ସାମାଜିକ ସୁରକ୍ଷା ଯୋଜନା ତାଲିମ କାର୍ଯ୍ୟକ୍ରମ ଉଦ୍ଯାପିତ
ମୁରିବାହାଲ, (କେପିଏନ୍ଏସ୍) : ମୁରିବାହାଲ ବ୍ଲକ ଦେବଙ୍ଗ ଗ୍ରାମଠାରେ ସାମାଜିକ ସୁରକ୍ଷା ଯୋଜନାର ତାଲିମ କାର୍ଯ୍ୟକ୍ରମ ଉଦ୍ଯାପିତ ହୋଇଛି । ଡଙ୍ଗରପଡା ଓ ପତ୍ରାପାଲି (କ) ପଞ୍ଚାୟତର ଗ୍ରାମ ସାଥୀ ଓ ଏସ୍ଏଚ୍ଜି ସଦସ୍ୟାଙ୍କୁ ନିଧି ଅନୁଷ୍ଠାନ ପକ୍ଷରୁ ତାଲିମ ପ୍ରଦାନ କରାଯାଇଥିଲା । ସରକାରଙ୍କ ବିଭିନ୍ନ ସାମାଜିକ ସୁରକ୍ଷା ଯୋଜନା ବିଷୟରେ ତାଲିମ ପାଇବା ପରେ ଗାଁ ଗାଁରେ ସେମାନେ ଜନ ସାଧାରଣଙ୍କୁ ସଚେତନତା କରିବେ ଏବଂ ଏହା ଦ୍ୱାରା ବହୁ ପ୍ରକୃତ ହିତାଧିକାରୀ ଯୋଜନାରେ ସାମିଲ ହୋଇ ପାରିବେ ବୋଲି ଆଶା କରାଯାଉଛି । ନିଧି ଅନୁଷ୍ଠାନର ପ୍ରକଳ୍ପ ସଂଯୋଜକ କୀର୍ତ୍ତି ଚନ୍ଦ୍ର ସମରଥ ଓ ପିଇଓ ଲିଙ୍ଗରାଜ ବେହେରା ତାଲିମ ପ୍ରଦାନ କରିଥିଲେ ।