ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ନିକଟସ୍ଥ ବୁଧାପାଲି ଠାରେ ଚାଲିଥିବା ୧୪ତମ ଭିଏସ୍ଏସ୍ କପ୍ କ୍ରିକେଟ୍ ଟୁର୍ଣ୍ଣାମେଣ୍ଟ ଉଦ୍ଯାପିତ ହୋଇଯାଇଛି । ମଙ୍ଗଳବାର ଅନୁଷ୍ଠିତ ଫାଇନାଲ୍ ମ୍ୟାଚ୍ରେ ଡୁଡ଼ୁକିଝରିଆ ଦଳ କଦଳୀମୁଣ୍ଡା ଦଳକୁ ହରାଇ ଚାମ୍ପିଅନ ହୋଇଛନ୍ତି । ମ୍ୟାଚ୍ ପରେ ଅନୁଷ୍ଠିତ ଉଦ୍ଯାପନୀ ଉତ୍ସବରରେ ମୁଖ୍ୟ ଅତିଥି ରୂପେ ଯୁବ ନେତା ପ୍ରୀତେଶ ବହିଦାର ଓ ସମ୍ମାନିତ ଅତିଥି ରୂପେ ପ୍ରତାପ ସାହୁ, ଯୁଗେଶ୍ୱର ପଟେଲ, ଚୈତନ୍ୟ ଲୁହା, ଅଶୋକ ମିଶ୍ର, ବିରେନ୍ଦ୍ର ପ୍ରଧାନ, ଜଳଧର ପ୍ରଧାନ ଓ ଧବଳେଶ୍ଵର ଭୋଇ ଯୋଗଦେଇ ବିଜେତା ଓ ଉପ ବିଜେତା ଦଳକୁ ଟ୍ରଫି ସହ ନଗଦ ପୁରସ୍କାର ପ୍ରଦାନ କରିଥିଲେ । ଡୁଡ଼ୁକିଝରିଆର ମଣ୍ଟୁଙ୍କୁ ମ୍ୟାନ୍ ଅଫ୍ ଦି ମ୍ୟାଚ୍ ଓ କଦଳୀମୁଣ୍ଡାର ରିତେଶଙ୍କୁ ମ୍ୟାନ୍ ଅଫ୍ ଦି ସିରିଜ୍ ପୁରସ୍କାର ପ୍ରଦାନ କରାଯାଇଥିଲା । ସୁମିଲ, ହନୁ ଓ ଦିଲୀପ ଭୋଇ ଅମ୍ପ୍ୟାରିଂ ଏବଂ ବିବେକା, ଶୁଭମ ଓ ଅର୍ଜୁନ ସ୍କୋରିଂ ଦାୟିତ୍ଵ ତୁଳାଇଥିଲେ । ବିକାଶ, ଦିଲୀପ ଓ ବିଜୟ ଧାରା ବିବରଣୀ ପ୍ରଦାନ କରିଥିଲେ । ସୁଧାଂଶୁ, ଟିକେଶ୍ୱର, ସୁଶାନ୍ତ, ରମେଶ, ଟୁନା, ବିଜୟା, ପଞ୍ଚା, ମିଥୁନ, ସୁଶିଲ, ଆଦିତ୍ୟ ଓ ଭିଏସ୍ଏସ୍ ସ୍ପୋର୍ଟିଂର ଅନ୍ୟ ସଦସ୍ୟ ମାନେ ସହଯୋଗ କରିଥିଲେ । ଶେଷର ସଭାପତି ଲୋକନାଥ ପଟେଲ ଧନ୍ୟବାଦ ଅର୍ପଣ କରିଥିଲେ ।
Next Post