ଲୋଇସିଂହା, (ବିମଳେନ୍ଦୁ ସାହୁ) : ଲୋଇସିଂହା ଫରେଷ୍ଟ ରେଞ୍ଜ ଅନ୍ତର୍ଗତ ଗାଈଖାଇ ଇକୋ ଟୁରିଜମ ପ୍ରକଳ୍ପଠାରେ ଗାଈଖାଇ ପାର୍କ ଉଦ୍ଘାଟିତ ହୋଇଯାଇଛି । ବଲାଙ୍ଗିର ଡିଏଫ୍ଓ ନୀତିଶ କୁମାର ସମ୍ମାନିତ ଅତିଥି ଭାବେ ଯୋଗଦେଇ ଏହି ପାର୍କର ଶୁଭ ଉଦ୍ଘାଟନ କରିଥିଲେ । ଗତ ଦୁଇମାସ ତଳେ ଏହି ଇକୋ ଟୁରିଜମ ପ୍ରକଳ୍ପ ଉଦ୍ଘାଟିତ ହେବା ପରେ ପର୍ଯ୍ୟଟକଙ୍କ ସଂଖ୍ୟା ଆଶାତୀତ ଭାବେ ବୃଦ୍ଧି ପାଇଥିବାରୁ ଏଠାରେ ଏକ ପାର୍କର ଆବଶ୍ୟକତା ଥିଲା । ଏହି ଅବସରରେ ବନ ବିଭାଗ ଏସିଏଫ୍ ଘନଶ୍ୟାମ ମହନ୍ତ, ଜିତେନ୍ଦ୍ର ସାହୁ, ଲୋଇସିଂହା ରେଞ୍ଜର ପାଉଲ୍ ହରପାଲ, ଗାଈଖାଇ ବିଟ୍ ଫରେଷ୍ଟର ବିମ୍ବାଧର ବେହେରା, ଗାର୍ଡ ସଞ୍ଜୀବ ନାଏକ ପ୍ରମୁଖ ଉପସ୍ଥିତ ଥିଲେ ।