ଲୋଇସିଂହା, (କେପିଏନ୍ଏସ୍) : ୭୪ତମ ସାଧାରଣତନ୍ତ୍ର ଦିବସ ଅବସରରେ ଲୋଇସିଂହା ଷ୍ଟାଡିୟମ ପରିସରରେ ସ୍ୱର୍ଗତ କାମାକ୍ଷ୍ୟା ପ୍ରସାଦ ହେର୍ଣ୍ଣା ମେମୋରିଆଲ ରଙ୍ଗିଲା କ୍ରିକେଟ ଟୁର୍ଣ୍ଣାମେଣ୍ଟ ଉଦ୍ଘାଟିତ ହୋଇଯାଇଛି । ବୁର୍ଡା ଫାଇଭ ଷ୍ଟାର ଓ କର୍ଲିପାଟ ସୁପର କିଙ୍ଗ ମଧ୍ୟରେ ଆୟୋଜିତ ଉଦ୍ଘାଟନୀ ମ୍ୟାଚ୍ରେ କର୍ଲିପାଟ ଦଳକୁ ହରାଇ ବୁର୍ଡା ଫାଇଭ ଷ୍ଟାର ଦଳ ବିଜେତା ହୋଇଥିଲା । ଲୋଇସିଂହା ଜନକଲ୍ୟାଣ ଯୁବ ସାମ୍ମୁଖ୍ୟ ତରଫରୁ ଆୟୋଜିତ ଏହି ପ୍ରତିଯୋଗିତାର ଉଦଘାଟନୀ ସମାରୋହରେ ମୁଖ୍ୟ ଅତିଥି ଭାବେ ସ୍ୱର୍ଗତ ଶ୍ରୀ ହେର୍ଣ୍ଣାଙ୍କ ଧର୍ମପତ୍ନୀ ଭଗବତୀ ଭୋଇ ହେର୍ଣ୍ଣା ଯୋଗଦେଇ ଫିତା କାଟି ପ୍ରତିଯୋଗିତାର ଶୁଭାରମ୍ଭ କରିଥିଲେ । ବିଜେଡି ରାଜ୍ୟ ପରିଷଦ ସଭ୍ୟ ନିହାର ରଞ୍ଜନ ବେହେରା, ଲୋଇସିଂହା ସରପଞ୍ଚ ନବକିଶୋର ନାଏକ, ରଞ୍ଜନ ବେହେରା, ଉତ୍ତର କୁମାର ହେର୍ଣ୍ଣା, ଶିବକୁମାର ଅଗ୍ରୱାଲ ପ୍ରମୁଖ ସମ୍ମାନିତ ଅତିଥି ଭାବେ ମଞ୍ଚାସିନ ଥିଲେ । ତିନିଦିନ ଧରି ଆୟୋଜିତ ହେବାକୁ ଥିବା ଏହି ପ୍ରତିଯୋଗିତାରେ ବିଭିନ୍ନ ଅଞ୍ଚଳରୁ ମୋଟ ୧୬ଟି ଦଳ ଅଂଶଗ୍ରହଣ କରିବେ ବୋଲି ଆୟୋଜକଙ୍କ ସୂତ୍ରରୁ ଜଣାପଡିଛି ।
