ବଲାଙ୍ଗିର, (ଦେବାଶିଷ ମିଶ୍ର) : ଜିଲ୍ଲା ବଣୀକ ସଂଘ ସଭାପତି ତ୍ରିପୁରାରୀ ପାଣିଗ୍ରାହୀ ଜେଡ୍ଆର୍ୟୁସିିସି ମେମ୍ବର ଭାବେ ମନୋନୀତ ହୋଇଛନ୍ତି । ଯାହାର କାର୍ଯ୍ୟକାଳ ୩ବର୍ଷ ରହିଛି । ଶ୍ରୀ ପାଣିଗ୍ରାହୀ ଏହା ପୂର୍ବରୁ ଲଗାତାର ଦୁଇ ଥର ଡିଆର୍ୟୁସିସି ମେମ୍ବର ଭାବେ ସମ୍ବଲପୁର ଡିଆର୍ଏମ୍ ତାଙ୍କୁ ମନୋନୀତ କରିଥିଲେ । ସେହି ସମୟରେ ଶ୍ରୀ ପାଣିଗ୍ରାହୀ ବଲାଙ୍ଗିର ରେଳ ଉପଭୋକ୍ତାମାନଙ୍କ ବିଭିନ୍ନ ଅସୁବିଧା ଓ ଦାବୀ ରେଳ ବିଭାଗ ସାମ୍ନାରେ ରଖିଥିଲେ । ସେଥିମଧ୍ୟରୁ ୨ନଂ ପ୍ଲାଟଫର୍ମ ଓ ୨ନଂ ଶୌଚାଳୟ ଭଳିି ଅନେକ ଦାବୀ ପୂରଣ ହୋଇଥିଲା । ଏଥର ପୂର୍ବତଟ ରେଳବାହୀର ଜେନେରାଲ ମ୍ୟାନାଜର ତାଙ୍କୁ ଜେଡ୍ଆର୍ୟୁସିସ ମେମ୍ବର ଭାବେ ମନୋନୀତ କରିଛନ୍ତି । ବଲାଙ୍ଗିରବାସୀଙ୍କ ସମସ୍ତ ଆବଶ୍ୟକତାକୁ ସେ ଦୃଢଭାବେ ରେଳ ବିଭାଗ ସାମ୍ନାରେ ରଖିବେ ବୋଲି ଶ୍ରୀ ପାଣିଗ୍ରାହୀ କହିଛନ୍ତି । ଖବର ପ୍ରସାରିତ ହେବା ପରେ ଶ୍ରୀ ପାଣିଗ୍ରାହୀଙ୍କୁ ବିଭିନ୍ନ ମହଲରୁ ଅଭିନନ୍ଦନର ସୁଅ ଛୁଟିଛି ।