ବେଲପଡ଼ା, (କେପିଏନ୍ଏସ୍) : ବଲାଙ୍ଗିର ଜିଲ୍ଲା ବେଲପଡା ବ୍ଲକ ସୁଲେକେଲା କ୍ଲଷ୍ଟର ନୋଡ଼ାଲ ଉଚ୍ଚ ପ୍ରାଥମିକ ବିଦ୍ୟାଳୟଠାରେ କାର୍ଯ୍ୟରତ ପୁଷ୍ପାଞ୍ଜଳି ଖମାରୀଙ୍କ ବିଦାୟକାଳୀନ ସମ୍ବର୍ଦ୍ଧନା ଉତ୍ସବକୁ ଅତି ସ୍ମରଣୀୟ ରଖିବା ଉଦ୍ଦେଶ୍ୟରେ ଟିଏଲ୍ଏମ୍ ମେଳା ଓ ବିଦାୟକାଳୀନ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବେଲପଡା ଗୋଷ୍ଠୀ ଉନ୍ନୟନ ଅଧିକାରୀ ଅଭିନବ ମିଶ୍ର ଯୋଗ ଦେଇଥିବା ବେଳେ ସମ୍ମାନୀତ ଅତିଥି ଭାବେ ଏବିଇଓ ତଥା ବିଆର୍ସିସି ଚତୁର୍ଭୁଜ ମିର୍ଦ୍ଧା, ଏବିଇଓ ଜଗବନ୍ଧୁ ମାଝୀ, ଏବିଇଓ ରଘୁନାଥ ମହରା, କମଳ ବାରଲେବେଡିଆ ଓ ସମସ୍ତ ସିଆରସିସିମାନେ ଯୋଗ ଦେଇଥିଲେ । କ୍ଲଷ୍ଟର ସମସ୍ତ ସ୍କୁଲରୁ ଛାତ୍ର ଛାତ୍ରୀମାନେ ଟିଏଲ୍ଏମ୍ ପ୍ରଦର୍ଶନ କରିଥିଲେ । ଟିଏଲ୍ଏମ୍ ମେଳା ଓ ଅବସରକାଳୀନ ବିଦାୟ ସମ୍ବର୍ଦ୍ଧନା ଉତ୍ସବରେ ଶିକ୍ଷୟିତ୍ରୀ ପୁଷ୍ପାଞ୍ଜଳି ଖମାରୀଙ୍କୁ ଉପଢୌକନ, ପୁଷ୍ପଗୁଚ୍ଛ ଦେବା ସହିତ ଗୋଟିଏ ବୃକ୍ଷ ମଧ୍ୟ ଦିଆଯାଇଥିଲା । ତତ୍ ସହିତ ଅନେକ ବୃକ୍ଷ ରୋପଣ ମଧ୍ୟ କରାଯାଇଥିଲା । ଏହି ଉତ୍ସବରେ ଆୟୋଜକ ସିଆର୍ସିସି ସୁଲେକେଲା ଯଶୋବନ୍ତ କୁମ୍ଭାରଙ୍କ ସହ ଉପସ୍ଥିତ ସମସ୍ତ ଶିକ୍ଷକ ଶିକ୍ଷୟିତ୍ରୀ ଅତିଥି ଗଣଙ୍କୁ ଧନ୍ୟବାଦ ଦେବା ସହିତ ବିଦାୟୀ ଶିକ୍ଷୟିତ୍ରୀ ଶ୍ରୀମତୀ ଖମାରୀଙ୍କ ସୁସ୍ଥ ଓ ଦୀର୍ଘୟୁ ସୁଖମୟ ଜୀବନର କାମନା କରାଯାଇଥିଲା ।