ଲୋଇସିଂହା, (କେପିଏନ୍ଏସ୍) : ଲୋଇସିଂହା ବ୍ଲକ ଅନ୍ତର୍ଗତ ଝାରମୁଣ୍ଡା ଏଥଲେଟିକ୍ ଏସୋସିଏସନ୍ ସ୍ଥିତ ସଭାଗୃହରେ ଏକ ସ୍ୱାଗତ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ ଆୟୋଜିତ ସଭାରେ ୱାର୍ଲ୍ଡ ଭିଜନ ଇଣ୍ଡିଆ ଲୋଇସିଂହାକୁ ନୂତନ ଭାବେ ଯୋଗ ଦେଇଥିବା ମେନେଜର ଏମ୍ଡି ମୋସଲମ୍ଙ୍କୁ ପୁଷ୍ପଗୁଚ୍ଛ ଓ ଉପଢୌକନ ସହ ସମ୍ବର୍ଦ୍ଧିତ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ଇସମାଏଲ୍ ହନୁମାନ, ସାମୁଏଲ, ଶଙ୍କର ନାଦମ୍, ମଳୟ ପ୍ରମୁଖ ଯୋଗଦେଇଥିଲେ । ଏସୋସସିଏସନ୍ ପକ୍ଷରୁ ସଭାପତି ଶ୍ୟାମସୁନ୍ଦର ମେହେର ସମେତ ମନୋଜ ଧରୁଆ, ଗୁନମନି ସେଠ୍, କାର୍ତ୍ତିକ କର୍ତ୍ତୀ, ଆନନ୍ଦ ଧାରୁଆ, ବିନୋଦ ଧାରୁଆ, କାଳୀଚରଣ ବଗର୍ତ୍ତୀ, ବିରେନ୍ଦ୍ର ଧରୁଆ ସମେତ ଅନ୍ୟାନ୍ୟ କର୍ମକର୍ତ୍ତା ଉପସ୍ଥିତ ଥିଲେ । ଏହି ଅବସରରେ ଶିଶୁ ସୁରକ୍ଷା ଉପରେ ଏକ ଆଲୋଚନା ମଧ୍ୟ ବ୍ଲକର ୧୨ ଜଣ ପ୍ରମୋଟରଙ୍କୁ ନେଇ ଅନୁଷ୍ଠିତ ହୋଇଥିଲା । ଏଥିରେ ଉଭୟ ଶିଶୁ ଓ ମା’ଙ୍କ ସୁରକ୍ଷା ଦିଗରେ ୱାର୍ଲ୍ଡ ଭିଜନ କର୍ମକର୍ତ୍ତା ପରାମର୍ଶ ଦେଇଥିଲେ ।