ଭୁବନେଶ୍ୱର, (କେପିଏନ୍ଏସ୍) : କରୋନା ଦ୍ଵିତୀୟ ଲହରରେ ଦେଶ ଓ ରାଜ୍ୟ କବଳିତ । ଏଭଳି ଏକ ଘଡିସନ୍ଦି ମୁହୂର୍ତ୍ତରେ କଳାକାର ମାନେ ବି ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ସରକାରଙ୍କ ନିୟମ ଅନୁଯାୟୀ ବର୍ତ୍ତମାନ ସିନେମା କିମ୍ବା ସିରିଏଲର ସୁଟିଂ ବନ୍ଦ ରହିଛି । ଏହି ସମୟରେ ବହୁ କଳାକାର ବି ରୋଜଗାର ହରାଇ ବହୁ ଅସୁବିଧାରେ କାଳାତିପାତ କରୁଛନ୍ତି । ଏଭଳି ଏକ ସମୟରେ କଳାକାରଙ୍କୁ ଭଲ ପାଉଥିବା ମଣିଷ ହେଉଛନ୍ତି ସଫଦର ହାଶିମ । ଆଜି ଭୁବନେଶ୍ୱର ସ୍ଥିତ ପଟିଆ ମୁଖ୍ୟ କାର୍ଯ୍ୟାଳୟରେ ହ୍ୟୁମାନ ୱେଲ ଫେୟର୍ ଟ୍ରଷ୍ଟ ପକ୍ଷରୁ ସଫଦର ହାସୀମଙ୍କ ନେତୃତ୍ୱରେ ୫୦ରୁ ଅଧିକ କଳାକାର ମାନଙ୍କୁ ଶୁଖିଲା ଖାଦ୍ୟ ବଣ୍ଟନ କରାଯାଇଛି । ବିଶେଷ କରି କଣ୍ଠ ଶିଳ୍ପୀ, ନୃତ୍ୟ ଶିଳ୍ପୀ, ଟେକ ନିସିଆନ, ସ୍ପଟ ବଏ, ଲାଇଟ ମ୍ୟାନ, ମେକପ୍ ମ୍ୟାନ ପ୍ରଭୁତି ସବୁ ବର୍ଗର କଳାକାରଙ୍କୁ ବଣ୍ଟନ କରାଯାଇଛି । ଆଗାମୀ ଦିନରେ ଆହୁରି କଳାକାରଙ୍କୁ ମଧ୍ୟ ସହଯୋଗ କରାଯିବ ବୋଲି ଟ୍ରଷ୍ଟ ପକ୍ଷରୁ ସୂଚନା ଦିଆଯାଇଛି ।