ଦେଓଗାଁ, (ମନୀଷ କୁମାର ସାହୁ) : ଦେଓଗାଁ କଛାରପାଲି ସ୍ଥିତ ସାହୁପଡ଼ା ପ୍ରଗତି ଯୁବକ ସଂଘ ପକ୍ଷରୁ ୯ମ ଗଜଲକ୍ଷ୍ମୀ ପୂଜା ପାଇଁ ଆଜି ସନ୍ଧ୍ୟାରେ କଳସ ଶୋଭାଯାତ୍ରା ହୋଇଯାଇଛି । ଅପରାହ୍ନରେ ଦେଓଗାଁ ସୋନଗଡ ନଦୀରୁ ଶତାଧିକ ମହିଳାଙ୍କ ଦ୍ଵାରା କଳସ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ରବିବାର ଦିନ ପୂଜାରମ୍ଭ ହେବ ଓ ସନ୍ଧ୍ୟାରେ ସ୍ଥାନୀୟ କଛାରପାଲି ରାମଲୀଳା କମିଟି ଦ୍ୱାରା ସୀତାଚୋରି ନାଟକ ପରିବେଷଣ ହେବ । ସୋମବାର ଦିନ ମା’ଙ୍କ ପୂଜା ଓ ହୋମ ଆଳତି ହେବା ସହ ପାଞ୍ଚ ଜଣ ବିଶିଷ୍ଟ ଗୀତକାରଙ୍କ ଦ୍ଵାରା ସଂକୀର୍ତ୍ତନ ଧାରା ପରିବେଷଣ ହେବ । ସେହିପରି ମଙ୍ଗଳବାର ଦିନ ପୂର୍ଣ୍ଣାହୁତି, ହୋମ ଏବଂ ସନ୍ଧ୍ୟାରେ ଏସଡି ମେଲୋଡି କଣ୍ଟାବାଞ୍ଜି ଦଳ ଦ୍ୱାରା ସମ୍ବଲପୁରୀ ଆର୍କେଷ୍ଟା କାର୍ଯ୍ୟକ୍ରମ ହେବାର ରହିଛି । ବୁଧବାର ଦିନ ବିସର୍ଜନ କରାଯିବା ନେଇ କମିଟି ପକ୍ଷରୁ ସୂଚନା ମିଳିଛି । ଏହି ପୂଜାକୁ ସ୍ଥାନୀୟ ପ୍ରଗତୀ ଯୁବକ ସଂଘ ସାହୁପଡ଼ା କାଛାରପାଲିର ସଭାପତି ସତ୍ୟବାହାନ ସାହୁ, ଉପସଭାପତି ଆଶିଷ ବାରିକ, ସମ୍ପାଦକ ଶେଷଦେବ ମେଲ୍ଲୀ, କୋଷାଧ୍ୟକ୍ଷ ସୀମାଂଶୁ ସାହୁ ଓ ରୁଦ୍ର ପ୍ରସାଦ ମହାକୁର, ସହସମ୍ପାଦକ ସ୍ୱାଧୀନ ବସ୍ତିଆଙ୍କ ସହ ସଂଘର ସମସ୍ତ ସଦସ୍ୟଙ୍କ ପ୍ରତ୍ୟକ୍ଷ ତତ୍ତ୍ଵାବଧାନ ଓ ଗ୍ରାମବାସୀଙ୍କ ସହଯୋଗରେ ପୂଜା ପରିଚାଳନା ଆରମ୍ଭ ହୋଇଯାଇଛି । ଚଳିତ ବର୍ଷ ପୂଜାରେ କର୍ତ୍ତା ଭାବରେ ଠଣ ସୁନ୍ଦର ବାରିକ ସପତ୍ନୀକ ଦାୟିତ୍ୱ ନେଉଥିବା ବେଳେ ପୂଜକ ଭାବରେ ବାଳକୃଷ୍ଣ କର କାର୍ଯ୍ୟ ତୁଲାଇବେ ବୋଲି କମିଟି ପକ୍ଷରୁ ଜଣାଯାଇଛି ।