ପଦ୍ମପୁର, (ନିରୋଜ କୁମାର ପାଣୀ) : ବହ୍ନିକନ୍ୟା ପାର୍ବତୀ ଗିରିଙ୍କ ଜୟନ୍ତୀ ପାଳନ ଅବସରରେ ଉପାନ୍ତ ଅଞ୍ଚଳରେ ଶୀତ ବସ୍ତ୍ର ବଣ୍ଟନ । ବରଗଡ଼ ଜିଲ୍ଲାର ଅଗ୍ରଣୀ ସ୍ବେଚ୍ଛାସେବୀ ସଂଗଠନ ବଦାନ୍ୟ ବନ୍ଧୁ ପକ୍ଷରୁ ଚଳିତ ବର୍ଷ ଉପାନ୍ତ ଅଞ୍ଚଳ ମାନଙ୍କୁ ଯାଇ ଅସହାୟ ବୟୋଜ୍ୟେଷ୍ଠ ଦିବ୍ୟାଙ୍ଗ ମାନଙ୍କୁ ଶୀତବସ୍ତ୍ର ବଣ୍ଟନ କରିଛି । ସ୍ବେଚ୍ଛାସେବୀ ସଂଗଠନ ପକ୍ଷରୁ ବିଶିଷ୍ଟ ସମାଜସେବୀ ସ୍ବାଧୀନତା ସଂଗ୍ରାମୀ ପାର୍ବତୀ ଗିରିଙ୍କ ୯୫ତମ ଜନ୍ମ ଜୟନ୍ତୀ ପାଳନ ଅବସରରେ ବରଗଡ଼ ଜିଲ୍ଲାର ଉପାନ୍ତ ଅଞ୍ଚଳ ଭାବେ ପରିଚିତ ଝାରବନ୍ଧ ବ୍ଲକରେ ଶୀତବସ୍ତ୍ର ବଣ୍ଟନ କରାଯାଇଛି । ଝାରବନ୍ଧ ବ୍ଲକ ଅନ୍ତର୍ଗତ ଜଗଦଲପୁର ପଞ୍ଚାୟତ ଅଧିନରେ ଥିବା ପୁଟକା ଗ୍ରାମର ଅସହାୟ ବୟୋଜ୍ୟେଷ୍ଠ ଦିବ୍ୟାଙ୍ଗ ମାନଙ୍କୁ ଉନ୍ନତ ମାନର ଶୀତବସ୍ତ୍ର ପ୍ରଦାନ କରାଯାଇଛି । ଏହି ଶୀତବସ୍ତ୍ର ବଣ୍ଟନ କାର୍ଯ୍ୟକ୍ରମ ଅବସରରେ ବଦାନ୍ୟ ବନ୍ଧୁ ର ମୁଖ୍ୟ ସୁବ୍ରତ କୁମାର ବିର୍ତ୍ତିଆଙ୍କୁ ସହିତ ଖିତି ଡନସନା, ପୁଟକା ଗ୍ରାମରେ ଥିବା ଜୟ ମାଁ ଭବାନୀ ସ୍ବୟଂ ସହାୟକ ଗୋଷ୍ଠୀର ସୁନାଦେଇ ନାୟକ, ପଙ୍କଜିନୀ ଭୋଇ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।