ବିଜେଡି ସାଂସ୍କୃତିକ ସମନ୍ୱୟ ସାମ୍ମୁଖ୍ୟ ଦ୍ୱାରା ପାଳିତ ହେଲା ଜାତୀୟ କବି ବାଞ୍ଛାନିଧିଙ୍କ ଶ୍ରାଦ୍ଧ ଦିବସ

ଭୁବନେଶ୍ୱର, (କେପିଏନ୍‌ଏସ୍‌) : ଜାତୀୟ କବି ଚିନ୍ତାମଣି ମହାନ୍ତି ଥିଲେ ଜଣେ ନିର୍ଭୀକ ଦେଶଭକ୍ତ । ଯେତେବେଳେ ଫିରିଙ୍ଗିର କ୍ରୁରଶାସନ ତଳେ ସାରା ଜନତା ଭୀତତ୍ରସ୍ତ, ଠିକ୍‍ ସେତିକି ବେଳେ ଜଣେ ଶିକ୍ଷିତ ଯୁବକ ହୋଇ ସେ ଜନତା ଭିତରେ ସ୍ୱାଧୀନ ଭାରତର ସ୍ୱପ୍ନ ବିଞ୍ଛି ଚାଲିଥିଲେ । ସେ ଥିଲେ ଏକାଧାରରେ ଚାରଣ କବି, ସ୍ୱାଧୀନତା ସଂଗ୍ରାମୀ । ଏଥି ନିମନ୍ତେ ସେ କାରାବରଣ ବି କରିଥିଲେ ବୋଲି ଆଜି ତାଙ୍କ ୮୫ତମ ଶ୍ରାଦ୍ଧଦିବସ ଉପଲକ୍ଷେ ରାଜଧାନୀରେ ଅବସ୍ଥିତ ତାଙ୍କ ପ୍ରତିମୂର୍ତ୍ତି ସ୍ଥଳର ସଭାରେ ଅତିଥିମାନେ ମତବ୍ୟକ୍ତ କରିଥିଲେ । ଆଜି ପୂର୍ବାହ୍ନ ସାଢେ ଆଠ ଘଟିକା ସମୟରେ ବିଜେଡି ସାଂସ୍କୃତିକ ସମନ୍ୱୟ ସାମ୍ମୁଖ୍ୟ ଦ୍ୱାରା ଏହି ଶ୍ରାଦ୍ଧ ଦିବସ ପାଳନ ଅବସରରେ ପ୍ରଥମେ ବେଦପାଠ କରିଥିଲେ ଗାୟକ ଆହ୍ଲାଦ ସୁରେନ୍ଦ୍ର ଛୋଟରାୟ, କବିଙ୍କର ଜୀବନ ଗାଥା ଗାନ କରିଥିଲେ ଶିକ୍ଷାବିତ୍‍ କାମଦେବ ମହାପାତ୍ର । କବିଙ୍କର ସଂଗ୍ରାମୀ ଜୀବନ ଉପରେ ବକ୍ତବ୍ୟ ରଖିଥିଲେ ପ୍ରାକ୍ତନ ମନ୍ତ୍ରୀ ତଥା ବିଜେଡିର ବରିଷ୍ଠ ବିଧାୟକ ପ୍ରଫୁଲ୍ଲ ସାମଲ, ବିଜେଡି ସାଂସ୍କୃତିକ ସମନ୍ୱୟ ସାମ୍ମୁଖ୍ୟର ରାଜ୍ୟ ସଂଯୋଜକ ପ୍ରବୀର ମହାନ୍ତି, ଡ. ମିହିର ପଟ୍ଟନାୟକ, ବିଜେଡିର ଯୁଗ୍ମ ସମ୍ପାଦକ ରୁଦ୍ର ନାରାୟଣ ସାମନ୍ତରାୟ, ଲକ୍ଷ୍ମୀଧର ବେହେରା ଏବଂ ଶ୍ରଦ୍ଧା ସୁମନ ଅର୍ପଣ କରିଥିଲେ ରାଜକିଶୋର ସାହୁ, ରାମଚନ୍ଦ୍ର ପ୍ରଧାନ, ଅନୁଜ କୁମାର ଦାସ, ମୁରଲୀ ଧର ଜେନା, ନରେନ୍‍ ସାହୁ, ସତ୍ୟବ୍ରତ ଜେନା, ରଶ୍ମିତା ଜୟ ସିଂ, ଅନ୍ନପୂର୍ଣ୍ଣା ରାଉତ, ଝରଣା ପଣ୍ଡା, ପ୍ରଗତି ରଥ, ରମେଶ ଚନ୍ଦ୍ର ପାତାଳ ସିଂ, ଗିରିଜା ଶଙ୍କର ମହାପାତ୍ର, ଅନୁପମା ବେହେରା, ଅଶ୍ୱନି ପଟ୍ଟନାୟକ, ଉଜ୍ଜ୍ୱଳ ସାହୁ, ବିଭୂତି ଭୂଷଣ ସ୍ୱାଇଁ, ଲିପକ୍‍ ମହାନ୍ତି, ଜ୍ୟୋତି ରଞ୍ଜନ ରାଉତ, ଉପେନ୍ଦ୍ର ବାରିକ । ପରିଶେଷରେ କବିଙ୍କ ଲିଖିତ ‘କହ କେଉଁ ଜାତି’ କବିତାଟି ଗାନ ପରେ ସଭା ସାଙ୍ଗ ହୋଇଥିଲା ।