ବଲାଙ୍ଗିର, (କେପିଏନ୍ଏସ୍) : ସ୍ଥାନୀୟ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ, ବଲାଙ୍ଗିର ସମ୍ମିଳନୀ କକ୍ଷରେ ଜିଲ୍ଲାସ୍ତରୀୟ ସେମିନାର“RUPANTAR” Changing Classroom Practices for Vikshita Odisha ଅନୁଷ୍ଠିତ ହୋଇଯାଇଛି । ଏଥିରେ ଜିଲ୍ଲାର ୧୪ଟି ବ୍ଲକରୁ ୩୫ ଜଣ ଶିକ୍ଷକ, ଶିକ୍ଷୟତ୍ରୀ ଓ ସିଆର୍ସିସିମାନେ ଉପସ୍ଥିତ ରହି ନିଜ ନିଜ ବିଦ୍ୟାଳୟର ଅଭିନବ କାର୍ଯ୍ୟ ଗୁଡିକୁ ନେଇ ଉପସ୍ଥାପନ କରିଥିଲେ । ଏହି ପରିପ୍ରେକ୍ଷୀରେ ସମ୍ବଲପୁର ବିଶ୍ଵବିଦ୍ୟାଳୟର ସହକାରୀ ପ୍ରଧ୍ୟାପକ ଶ୍ରବଣ କୁମାର ବାଗ ମୁଖ୍ୟ ବକ୍ତା ଭାବେ ଯୋଗଦେଇ ବିଭିନ୍ନ ବିଦ୍ୟାଳୟର ଅଭିନବ କାର୍ଯ୍ୟ ଗୁଡିକୁ ତର୍ଜମା କରିବା ସହିତ ଜାତୀୟ ଶିକ୍ଷା ନୀତି – ୨୦୨୦ରେ ପ୍ରସ୍ତାବିତ ବିଦ୍ୟାଳୟ ଶିକ୍ଷାର ଗୁଣାତ୍ମକ ଶିକ୍ଷାର ବିକାଶ ପାଇଁ ଶିକ୍ଷକମାନଙ୍କର ଗୁରୁତ୍ଵପୂର୍ଣ୍ଣ ଭୂମିକା ଗୁଡିକୁ ନିଜ ଅଭିଭାଷଣରେ ପ୍ରକାଶ କରିଥିଲେ । ସେହିପରି ଅନୁଷ୍ଠାନର ଅଧ୍ୟକ୍ଷ ଡ଼ ଜୟ ପ୍ରକାଶ ଦାଶ ଏହି ଏକ ଦିବସୀୟ ପାଠଚକ୍ରର ଉଦ୍ଦେଶ୍ୟ ଗୁଡିକ ସମସ୍ତଙ୍କ ଆଗରେ ନିଜ ଅଭିଭାଷଣ ମାଧ୍ୟମରେ ପରିପ୍ରକାଶ କରିଥିଲେ । ସଂଯୋଜକ ଡ଼ଃ ମନ୍ଦରଧର ସାହୁ ସମସ୍ତଙ୍କୁ ସ୍ଵାଗତ କରିବା ସହିତ ସଭା ପରିଚାଳନା କରିଥିଲେ । ଶିକ୍ଷକ ଶିକ୍ଷା ମହାବିଦ୍ୟାଳୟ ବଲାଙ୍ଗିରର ସହକାରୀ ପ୍ରାଧ୍ୟାପକ ଡ଼ ସୁଧୀର କୁମାର ସାହୁ, ଡ଼ ଅଜିତ କୁମାର ପ୍ରଧାନ, ଡ଼ ନିବେଦିତା ସାହୁ ଓ ସରକାରୀ ପ୍ରାଥମିକ ଶିକ୍ଷକ ଶିକ୍ଷା ପ୍ରତିଷ୍ଠାନର ଅଧ୍ୟକ୍ଷ ଜ୍ଞାନେଦ୍ର ମଲିକ ପ୍ରମୁଖ ଏହି ପାଠଚକ୍ରରେ ଉପସ୍ଥିତ ରହି ଅଂଶଗ୍ରହଣକାରୀମାନଙ୍କୁ ଉନ୍ନତ ଶ୍ରେଣୀ ଗୃହ ପରିଚାଳନା ପାଇଁ ମତାମତ ଦେବା ସହିତ ରୂପାନ୍ତର ନାମକ ପ୍ରାଚୀର ପତ୍ରକୁ ଉଦ୍ଘାଟନ କରିଥିଲେ । ଅନୁଷ୍ଠାନର ସମସ୍ତ ଶିକ୍ଷକ ପ୍ରଶିକ୍ଷକ ଯଥା ଗଣେଶ ପ୍ରସାଦ ଜେନା, ଚିନ୍ମୟୀ ସାହୁ, ଆରତୀ ସାହୁ, ସପ୍ନା ସେଠ, ସ୍ଵାଗତିକା ବଳିଆରସିଂହ, ମିନାକ୍ଷୀ ମେହେର, ସଞ୍ଜୟ ବାରିକ, ଅଳକା ସାମଲ ଓ ପ୍ରଶାନ୍ତ କୁମାର ନିଖଣ୍ଡିଆ ଯୋଗଦେଇ କାର୍ଯ୍ୟକ୍ରମକୁ ଆଗକୁ ନେବାରେ ସହଯୋଗ କରିଥିଲେ । ସେହିପରି ଅନୁଷ୍ଠାନର ଅନ୍ୟାନ୍ୟ କର୍ମଚାରୀ ପଞ୍ଚାନନ ଦ୍ଵାରୀ, ବିଭୁଦତ୍ତ ମିଶ୍ର, ପ୍ରେମରାଜ ମିଶ୍ର ଉପସ୍ଥିତ ରହି ଏହି କାର୍ଯ୍ୟକୁ ସହଯୋଗ କରିଥିଲେ । ସର୍ବଶେଷରେ ଅନୁଷ୍ଠାନର ଶିକ୍ଷକ ପ୍ରଶିକ୍ଷିକା ମମତା ମଞ୍ଜରି ସାହୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।