ରାଉରକେଲା, (ସସ୍ମିତା ପ୍ରଧାନ) : ଛେଣ୍ଡ ସ୍ଥିତ ଦିବ୍ୟ ଜୀବନ ସଂଘ ତରଫରୁ ସ୍ୱତନ୍ତ୍ର ସତସଙ୍ଗ ଅନୁଷ୍ଠିତ ହୋଇଯାଇଛି । ସଂଘ କାର୍ଯ୍ୟାଳୟରେ ଅନୁଷ୍ଠିତ ଏହି ସତସଙ୍ଗରେ ଭଜନ, କୀର୍ତ୍ତନ, ଗୁରୁ ପାଦୁକା ପୂଜା, ଜପ, ଧ୍ୟାନ, ଯୋଗ, ପ୍ରାଣାୟମ, ଜୟ ଗଣେଶ କୀର୍ତ୍ତନ, ଗୁରୁ ସ୍ତ୍ରୋତ୍ର, ଶାନ୍ତି ମନ୍ତ୍ର, ବିଷ୍ଣୁ ସହସ୍ର ନାମ ଆଦି ଅନୁଷ୍ଠିତ ହୋଇଯାଇଛି । ସଂଘ ରାଉରକେଲା ଶାଖାର ସଭାପତି ସୁଶିଲ କୁମାର ମିଶ୍ରଙ୍କ ଅଧ୍ୟକ୍ଷତାରେ ଆୟୋଜିତ ଏହି ସତସଙ୍ଗରେ ସ୍ୱାମୀ ଦେବଭକ୍ତନନ୍ଦଜୀ ମହାରାଜ ଜୀବନର ସଫଳତା ସଂପର୍କରେ ବକ୍ତବ୍ୟ ରଖିବା ସହ ଆର୍ଶୀବଚନ ପ୍ରଦାନ କରିଥିଲେ । ପରେ ସ୍ୱାମୀ ବ୍ରହ୍ମସାକ୍ଷାତକାରନନ୍ଦଜୀ ମହାରାଜଙ୍କ ଦ୍ଵାରା ଆର୍ଶୀବଚନ ପ୍ରଦାନ କରାଯାଇଥିଲା । ଉଭୟ ଗୁରୁ ଜୀବନର ସଫଳତା ସୂତ୍ରକୁ ସୁନ୍ଦର ଭାବେ ବ୍ୟାଖ୍ୟା କରିବା ସହ ସଦଗୁରୁଦେବ ସ୍ୱାମୀ ଶିବାନନ୍ଦ ସରସ୍ୱତୀ ଓ ପରମପୂଜ୍ୟ ସ୍ୱାମୀ ଚିଦାନନ୍ଦ ସରସ୍ୱତୀ ମହାରାଜଙ୍କ ନୀତି ଓ ଆଦର୍ଶ ସଂପର୍କରେ ଆଲୋକପାତ କରିଥିଲେ । ପରେ ଅନୁଗାମୀଙ୍କ ଦ୍ୱାରା ଓଡଶୀ ନୃତ୍ୟ, ଶାନ୍ତି ପାଠ, ଆରତୀ, ମହାମନ୍ତ୍ର, କୀର୍ତ୍ତନ ଓ ପ୍ରସାଦ ସେବନ ଆଦି କରାଯାଇଥିଲା । ଏହି କାର୍ଯ୍ୟକ୍ରମ ପରିଚାଳନାରେ କାର୍ଯ୍ୟକାରୀ ସଭାପତି ରବିନ୍ଦ୍ର କୁମାର ପାଣ୍ଡବ, ସଂପାଦକ କବିବର ସାହୁଙ୍କ ସମେତ ବିଜୟ ଅଗ୍ରୱାଲ, ପ୍ରକାଶ କୁମାର ପଣ୍ଡା, ସୁରେନ୍ଦ୍ର ବେହେରା, ରୁଦ୍ର ନାରାୟଣ ତ୍ରିପାଠୀ, ଦିଗମ୍ବର ପାଢୀ, ବିଜୟ କୁମାର ପରିଡା, କେଦାର ବେହେରା, ସ୍ମୃତିଲେଖା ସାହୁ, ଅର୍ଚ୍ଚନା ଦେବତା, ମୀନତି ତ୍ରିପାଠୀ, ନିରଞ୍ଜନ ତ୍ରିପାଠୀ ପ୍ରମୁଖ ସହଯୋଗ କରିଥିବା ବେଳେ ବହୁ ସଂଖ୍ୟାରେ ଶ୍ରଦ୍ଧାଳୁ ଏହି ସତସଙ୍ଗରେ ଯୋଗ ଦେଇଥିଲେ ।