ଲୋଇସିଂହା, (ବିମଳେନ୍ଦୁ ସାହୁ): ଚଳିତ ୨୩ ଓ ୨୪ ତାରିଖ ଦୁଇଦିନ ଧରି ସରସ୍ୱତୀ ଶିଶୁ ବିଦ୍ୟା ମନ୍ଦିର ଲୋଇସିଂହାର ତ୍ରୟୋବିଂଶତମ କ୍ରୀଡ଼ା ମହୋତ୍ସବ ଅନୁଷ୍ଠିତ ହୋଇଯାଇଛି । ଏହାର ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବରେ ସ୍ଥାନୀୟ ସରପଞ୍ଚ ନବକିଶୋର ନାଏକ ଯୋଗ ଦେଇ କ୍ରୀଡ଼ା ପତାକା ଉନ୍ମୋଚନ କରିଥିବା ବେଳେ ଅତିଥି ପରିଚୟ ତଥା ଉଦ୍ଦେଶ୍ୟ କଥନ ପ୍ରଧାନ ଆଚାର୍ଯ୍ୟ ଶିବ ପ୍ରସାଦ ବାରିକ କରିଥିଲେ । କ୍ରୀଡ଼ା ପ୍ରମୁଖ ନିତ୍ୟାନନ୍ଦ ପଧାନ ଧନ୍ୟବାଦ ଅର୍ପଣ କରିଥିଲେ । ଉଦଯାପନୀ ସମାରୋହରେ ଭାରତୀୟ ଖେଳ ପ୍ରାଧିକରଣ ଭଳିବଲର ମୁଖ୍ୟ ପ୍ରଶିକ୍ଷକ ଭାବେ ଅବସର ଗ୍ରହଣ କରିଥିବା ରାଜକିଶୋର ବେହେରା ଯୋଗ ଦେଇ ଉଦବୋଧନ ଦେଇଥିଲେ । ପରିଶେଷରେ ପରିଚାଲନା ସମିତିର କୋଷାଧ୍ୟକ୍ଷ ପ୍ରଶାନ୍ତ କୁମାର ବେହେରା ଧନ୍ୟବାଦ୍ ଅର୍ପଣ କରିଥିଲେ । ଉକ୍ତ କ୍ରୀଡ଼ା ମହୋତ୍ସବରେ ପ୍ରାକ୍ ଶିଶୁ ବର୍ଗ, ଶିଶୁ ବର୍ଗ, ବାଲ ବର୍ଗ, କିଶୋର ବର୍ଗର ମୋଟ୍ ୭୭୫ ପ୍ରତିଭାଗୀଙ୍କୁ ନେଇ ୬୧ ଟି ଖେଳ କରାଯାଇଥିଲା । ସ୍ଥାନୀୟ ଅଭିଭାବକ ଏବଂ ଗୁରୁଜୀ ଗୁରୁମା ମାନଙ୍କ ମଧ୍ୟ ଖେଳ ହୋଇଥିଲା ।