ବଲାଙ୍ଗିର, (ଦେବାଶିଷ ମିଶ୍ର) : ସ୍ଥାନୀୟ କଲେଜ ଛକ ସରସ୍ୱତୀ ଶିଶୁ ବିଦ୍ୟା ମନ୍ଦିର ଠାରେ ବିଦ୍ୟା ଭାରତୀ ଶିକ୍ଷା ବିକାଶ ସମିତି ଓଡିଶାର ପତ୍ରିକା ଓ ପ୍ରଚାର ବିଭାଗଙ୍କ ଯୋଜନା ଅନୁସାରେ ସର୍ଜନିକା ସାହିତ୍ୟ ପରିଷଦ ଗଠିତ ହୋଇଯାଇଛି । ବିଦ୍ୟା ମନ୍ଦିରର ପ୍ରଧାନ ଆଚାର୍ଯ୍ୟ ସୁବାଷ ଚନ୍ଦ୍ର ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ କବି ଦାମୋଦର ବେଉରା ଯୋଗଦେଇ ଆଗାମୀ ପିଢିକୁ ମାତୃଭୂମି ଓ ମାତୃଭାଷା ପ୍ରତି ଆକୃଷ୍ଟ କରିବାରେ ସର୍ଜନିକା ସାହିତ୍ୟ ପରିଷଦ ଗଠନ ଏକ ସୁନ୍ଦର ପ୍ରୟାସ ବୋଲି ମତ ପ୍ରକାଶ କରିଥିଲେ । ନିମନ୍ତ୍ରିତ ବକ୍ତା ଭାବେ ଶିକ୍ଷାବିତ୍ ଦିଲିପ କୁମାର ବହିଦାର ଓ ଶିକ୍ଷକ ରଂଜିତ ମିଶ୍ର ଯୋଗଦେଇଥିଲେ । ଏହି ଅବସରରେ ସର୍ଜନିକା ସାହିତ୍ୟ ପରିଷଦର ସଭାପତି ଭାବେ ସନ୍ତୋଷିନୀ ସାହୁ, ଉପ-ସଭାପତି କଲ୍ୟାଣି ପଟେଲ, ସଂପାଦିକା ସଂଯୁକ୍ତା ନାଏକ, ଯୁଗ୍ମ ସଂପାଦକ ଗୋବିନ୍ଦ ଚନ୍ଦ୍ର ଦାଶ ଚୟନ ହୋଇଥିବା ବେଳେ ଉମେଶ ଚନ୍ଦ୍ର ହୋତା, ବିନାୟକ ଷଡଙ୍ଗୀ, ଯୋଗେନ୍ଦ୍ର ବିଶି, ମନୋରମା ପାଣିଗ୍ରାହୀ, ଶୁକଦେବ ସେଠ ସଭ୍ୟ ଭାବେ ଓ ସୁଶ୍ରୀ ମଧୁଛନ୍ଦା ସାହୁ ସଂଯୋଜିକା, ସୁନିଲ କୁମାର ପଣ୍ଡା, ସୁବାଷ ଚନ୍ଦ୍ର ମିଶ୍ର, ଦିଲିପ କୁମାର ବହିଦାର, ରଂଜିତ ମିଶ୍ର ମାର୍ଗଦର୍ଶକ ଭାବେ ମନୋନିତ ହୋଇଥିଲେ । କାର୍ଯ୍ୟକ୍ରମର ସଂଯୋଜନା ସନ୍ତୋଷିନୀ ସାହୁ କରିଥିବା ବେଳେ ଧନ୍ୟବାଦ ଦେଇଥିଲେ ଦକ୍ଷିଣ-ପଶ୍ଚିମ ସଂଭାଗ ଶିକ୍ଷା ବିକାଶ ସମିତି ଓଡିଶାର ପତ୍ରିକା ପ୍ରତିନିଧି କବିରାଜ ପ୍ରଧାନ । ଏହି କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଆଚର୍ଯ୍ୟ ଉପସ୍ଥିତ ଥିଲେ ।
