ଲୋଇସିଂହା, (କେପିଏନ୍ଏସ୍) : ସ୍ଥାନୀୟ ସରସ୍ୱତୀ ଶିଶୁ ବିଦ୍ୟାମନ୍ଦିର ଲୋଇସିଂହାଠାରେ ସରସ୍ୱତୀ ପୂଜା ଓ ବିଦ୍ୟାରମ୍ଭ ସଂସ୍କାର ଯଜ୍ଞ ଅନୁଷ୍ଠିତ ହୋଇଯାଇଛି । ବିଦ୍ୟାରମ୍ଭ ସଂସ୍କାର ଯଜ୍ଞରେ ସ୍ଥାନୀୟ ଶିବ ମନ୍ଦିରରେ ପୂଜାର୍ଚ୍ଚନା ପରେ ଶିଶୁବୋଧ ଶ୍ରେଣୀରେ ଅଧ୍ୟୟନରତ ଶିଶୁମାନେ ଏବଂ ଅଭିଭାବିକାମାନେ ଗ୍ରନ୍ଥ ଶୋଭାଯାତ୍ରାରେ ବାହାରି ବିଦ୍ୟାଳୟରେ ପହଞ୍ଚି ସରସ୍ୱତୀ ପୂଜାରେ ଯୋଗ ଦେଇଥିଲେ । ପ୍ରଧାନ ଆଚାର୍ଯ୍ୟ ଶିବ ପ୍ରସାଦ ବାରିକ ସପତ୍ନୀକ ଶୋଭାଯାତ୍ରାକୁ ସ୍ୱାଗତ ଅଭ୍ୟର୍ଥନା କରିଥିଲେ । ପୂଜା ଅବସରରେ ବିଦ୍ୟାଳୟର ପ୍ରାଚୀର ପତ୍ରିକା “ଅନ୍ଵେଷା” ଉନ୍ମୋଚିତ ହୋଇଥିଲା । ବିଦ୍ୟାଳୟର ବରିଷ୍ଠ ଆଚାର୍ଯ୍ୟ ବିଜୟ କୁମାର ସରାଫ ପତ୍ରିକା ସମ୍ପାଦନା କରିଥିବା ବେଳେ ଅନ୍ୟମାନେ ସହଯୋଗ କରିଥିଲେ ।