ବେଲପଡ଼ା, (କେପିଏନ୍ଏସ୍) : ବେଲପଡ଼ାର ଗୋଟିଏ ପରିବାରରୁ ୭ଜଣ ସମିତିସଭ୍ୟ ପଦ ପାଇଁ ପ୍ରାର୍ଥୀ ହୋଇଛନ୍ତି । ସୂଚନା ଅନୁସାରେ, ବେଲପଡ଼ାର ଯୁବନେତା ଗଣେଶ କୁମ୍ଭାର ନିର୍ବାଚନ ଲଢ଼ୁଥିବା ବେଳେ ତାଙ୍କ ୩ ଝିଆରୀ, ପୁତୁରା ଓ ପୁତୁରା ବୋହୂ ଏବଂ ଲୋଇସିଂହା ବ୍ଲକରୁ ତାଙ୍କ ଭାଣିଜୀଙ୍କୁ ମିଶାଇ ପରିବାରର ୭ଜଣ ନିର୍ବାଚନ ଲଢ଼ୁଛନ୍ତି । ବାହାବଲ ପଞ୍ଚାୟତରୁ ଗଣେଶଙ୍କ ପୁତୁରା ବୋହୂ ହେମଶ୍ରୀ କୁମ୍ଭାର ଲଢ଼ୁଥିବା ବେଳେ ବେହେରାମୁଣ୍ଡାଠାରେ ପୁତୁରା ଦୁର୍ଯୋଧନ କୁମ୍ଭାର ପ୍ରାର୍ଥୀ ହୋଇଛନ୍ତି । ସେହିପରି ଝିଆରୀଙ୍କ ମଧ୍ୟରେ ଯୁବା ପଞ୍ଚାୟତରୁ ପ୍ରମିନା ବାଗ, ଗମ୍ଭାରୀ ପଦରରୁ ଟିନା କୁମ୍ଭାର ଏବଂ ରୀନା କୁମ୍ଭାର ଘାଗୁର୍ଲିରୁ ଲଢ଼ୁଥିବା ବେଳେ ତେନ୍ତୁଳିଖୁଣ୍ଟିରୁ ତାଙ୍କ ଭଉଣୀ ପୁଷ୍ପାଞ୍ଜଳି ତାଣ୍ଡି ଲଢ଼ୁଛନ୍ତି । ସେହିପରି ଲୋଇସିଂହା ବ୍ଲକ ବାନିପାଲିରୁ ଭାଣିଜୀ ଜ୍ୟୋସ୍ନାମୟୀ ନାଗ ପ୍ରାର୍ଥୀ ହୋଇଛନ୍ତି ।