ପଦ୍ମପୁର, (ନିରୋଜ କୁମାର ପାଣୀ) : ପାଇକମାଲ ବ୍ଲକ କଳା ସଂସ୍କୃତି ସଂଘର ଉପସଭାପତି ତଥା କଳାକାର ମହାସଂଘର ସାଧାରଣ ସମ୍ପାଦକ ଲଲିତ ଜଗତଙ୍କୁ ଅତାବିରା ବ୍ଲକ ଜୟନ୍ତୀ ଯୁବକ ସଂଘ ବାବେବିରା ଦ୍ଵାରା ଆୟୋଜିତ ବିଶ୍ଵ ନାଟ୍ୟ ଦିବସ ଅବସରରେ ମାନପତ୍ର ଉପଢୌକନ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ଶ୍ରୀ ଜଗତ ଜଣେ ବହୁମୁଖୀ କଳା ପ୍ରତିଭାର ଅଧିକାରୀ ନାଟ୍ୟକାର, ନିର୍ଦ୍ଦେଶକ, ଲେଖକ, କବି ଗୀତିକାର । ତାଙ୍କର ରଚିତ ଓ ନିର୍ଦ୍ଦେଶିତ ନାଟକ ଗୁଡିକ ବହୁତ ଅନୁଷ୍ଠାନ ରାଜ୍ୟ ତଥା ରାଜ୍ୟ ବାହାରେ ପ୍ରଦର୍ଶିତ ହୋଇ ସୁନାମ ଅର୍ଜନ କରିଅଛି । ଏହି ବିଶ୍ୱ ନାଟ୍ୟ ଦିବସ ଅବସରରେ ମୁଖ୍ୟ ଅତିଥି ଭାବେ ବରଗଡ଼ ଅତିରିକ୍ତ ଜିଲ୍ଲାପାଳ ଶ୍ରଦ୍ଧାକର କୁମ୍ଭାର, ସମ୍ମାନିତ ଅତିଥି ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଶ୍ରୀମତୀ କଲ୍ୟାଣୀ ଦାସ, ମୁଖ୍ୟ ବକ୍ତା ଜିଲ୍ଲା ସଂସ୍କୃତି ଅଧିକାରୀ ସନ୍ତ୍ରାସ ନାରାୟଣ ପଣ୍ଡା ଓ ସଭାପତି ଅଜିତ କୁମାର ବାରିକ ଉପସ୍ଥିତ ଥିଲେ ।