ଲୋଇସିଂହା, (କେପିଏନ୍ଏସ୍) : ଲୋଇସିଂହା ବ୍ଲକ ସୀମାନ୍ତ ଜାମୁଟବାହାଲରେ ଗାଁର ଗୌରବମାନଙ୍କୁ ସମ୍ବର୍ଦ୍ଧନା ଦିଆଯାଇଛି । ବଜରଙ୍ଗ ଦଳ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ସଭାପତି ସୁଜିତ କୁମାର ସିଂ ସଭାପତିତ୍ୱ କରିଥିଲେ । ଏଥିରେ ଗାଇସିଲାଟ ବ୍ଲକ ବିଡ଼ିଓ ପ୍ରବୀଣ କୁମାର ବନୁଆ ମୁଖ୍ୟଅତିଥି, ଜିଲ୍ଲା ପରିଷଦ ସଭ୍ୟ ଝରଣା ପାଣିଗ୍ରାହୀ ଓ ସରପଞ୍ଚ ସବିତା ପରିଡା ସମ୍ମାନୀୟ ଅତିଥି ଭାବେ ଯୋଗଦେଇଥିଲେ । ଏହି ଅବସରରେ ଗାଁ ପାଇଁ ଗୌରବ ଆଣିଥିବା ଓଏଏସ୍ ପ୍ରିୟ ରଞ୍ଜନ କୁମ୍ଭାର, ଅଧ୍ୟାପକ କିଶୋର କୁମାର ଠାକୁର, ରେଲୱେ କର୍ମଚାରୀ ରାଷ୍ଟ୍ରପତି ଠାକୁର, ନାରୀ ସଶକ୍ତିକରଣର ଜ୍ୟୋସ୍ନାମୟୀ ଠାକୁର ସମେତ ୩୬ ଜଣଙ୍କୁ ମାନପତ୍ର ଓ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । କାର୍ଯ୍ୟକ୍ରମକୁ ପରିଚାଳନା କରିଥିଲେ ଆୟୋଜକ ଦଳ ସଭାପତି ଆଲୋକ ପ୍ରସାଦ ଠାକୁର, ମହିଳା ଦଳ ସଭାନେତ୍ରୀ ଜ୍ୟୋତ୍ସ୍ନାମୟୀ ଠାକୁର ସମେତ ବଜରଙ୍ଗ ଦଳର ସମସ୍ତ କର୍ମକର୍ତ୍ତା ସହଯୋଗ କରିଥିଲେ । ଶେଷରେ ଡବ୍ଲୁଓୱାଇଏମ୍ ସଭାପତି ଅଜିତ ପତି ଧନ୍ୟବାଦ ଅର୍ପଣ କରିଥିଲେ ।