ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ମହିଳା ଡିଗ୍ରୀ ମହାବିଦ୍ୟାଳୟରେ ସମନ୍ୱିତ ଯୁବ ବିକାଶ କାର୍ଯ୍ୟକ୍ରମର ଅଷ୍ଟମ ଦିବସରେ ସାମାଜିକ କାର୍ଯ୍ୟକ୍ରମ ବିଭାଗ ତରଫରୁ “ନିଶା ନିବାରଣ ଅଭିଯାନ” ଉପରେ ଏକ ରାଲି କରାଯାଇଥିଲା । ମହା ବିଦ୍ୟାଳୟର ଛାତ୍ରୀମାନେ ସ୍ଲୋଗାନ ଦେଇ ସହର ପରିକ୍ରମା କରିଥିଲେ । ତାପରେ ଅପରାହ୍ନ ସମୟରେ ଚୟନ ହୋଇଥିବା ଗ୍ରାମ ବରିକେଲରେ କନ୍ୟା ଶିକ୍ଷା ସଚେତନତା ଉପରେ “ବେଟି ବଞ୍ଚାଅ, ବେଟି ପଢାଅ” ଚିନ୍ତାଧାରାକୁ ନେଇ ମହାବିଦ୍ୟାଳୟର ଛାତ୍ରୀମାନେ ଏକ ସୁନ୍ଦର କ୍ଷୁଦ୍ର ନାଟକ ପରିବେଷଣ କରିଥିଲେ । କନ୍ୟା ବି ପୁତ୍ରର ସମକକ୍ଷ ଏବଂ ତାକୁ ବି ସମସ୍ତ ସୁଯୋଗ ମିଳିବା ଉଚିତ, ଏହା ସମାଜ ପ୍ରତି ନାଟକର ମୁଖ୍ୟବାର୍ତ୍ତା ଥିଲା । ଅଧ୍ୟକ୍ଷା ଶ୍ରୀମତୀ କଳ୍ପନାରାଣୀ ନାଥଙ୍କ ଉପସ୍ଥିତିରେ ମହାବିଦ୍ୟାଳୟର ସମସ୍ତ ଅଧ୍ୟାପିକା, ଅଧ୍ୟାପକ ଓ କର୍ମଚାରୀମାନଙ୍କ ସହ ସମାଜିକ କାର୍ଯ୍ୟକ୍ରମର ନୋଡାଲ ଅଫିସର ସୁଶ୍ରୀ ସଂଗୀତା ଗୌନ୍ତିଆ କାର୍ଯ୍ୟକ୍ରମ ଗୁଡିକୁ ପରିଚାଳନା କରିଥିଲେ ।