ବ୍ରହ୍ମପୁର ପୋଲିସକୁ ମିଳିଲା ବଡ ସଫଳତା : ଯାନବାହାନ କଡ଼ାକଡ଼ି ଯାଞ୍ଚ ବେଳେ ବାହାରିଲା ପୁଳାପୁଳା ସୁନା ପ୍ୟାକେଟ, ୪ ଜଣଙ୍କୁ ବାନ୍ଧିଲା ପୋଲିସ
ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ବ୍ରହ୍ମପୁର ପୋଲିସକୁ ମିଳିଲା ବଡ ସଫଳତା ୩ କେଜି ସୁନା ସହ ୧୫୦ କେଜି ରୂପା ଜବତ କରିଛି ପୋଲିସ । ଯାହାର ଆନୁମାନିକ ମୂଲ୍ୟ ୩ କୋଟି ୧୦ ଲକ୍ଷ ଟଙ୍କା ହେବ । କୌଣସି ବିଶେଷ ସୂତ୍ରରୁ ଖବର ପାଇ ବ୍ରହ୍ମପୁର ଏସ୍ପିଙ୍କ ନିର୍ଦ୍ଦେଶ କ୍ରମେ ବ୍ରହ୍ମପୁରରୁ ୩ କେଜି ସୁନା ସହ ୧୫୦ କେଜି ରୂପା ଜବତ କରିଛି, ଗୋଳନ୍ଥରା ଥାନା ପୋଲିସ । ଜିଏସ୍ଟି ଫାଙ୍କୁଥିବା ସୁନା ଅଳଙ୍କାର ବ୍ୟବସାୟୀଙ୍କୁ କାବୁ କରିଛି ପୋଲିସ । ଗାଡ଼ି ଡ୍ରାଇଭର ସହ ୩ ଜଣଙ୍କୁ ଅଟକ ରଖାଯାଇଛି । ଜବତ ସୁନା ଓ ରୂପା ପୁଳା ପୁଳା, ବିଡ଼ା ବିଡ଼ା ଯାହାର ଆନୁମାନିକ ମୂଲ୍ୟ ପ୍ରାୟ ୪ କୋଟି ହେବ ବୋଲି ପୋଲିସ ସୂତ୍ରରୁ ଜଣାପଡିଛି । ସୂଚନା ଥାଉକି, ଏହା ତାମିଲନାଡୁର କର୍ଣ୍ଣାଟକରୁ ବ୍ରହ୍ମପୁର ଯୋଗେ ଆମଦାନୀ ହୋଇଥାଏ, ଏହି ସ୍ୱର୍ଣ୍ଣ-ଅଳଙ୍କାର, ମହଣ, ପ୍ୟାକେଟ ଭରି ସୁନାଗହଣା ବ୍ରହ୍ମପୁର ବଡ଼ ବଜାରକୁ ଆସୁଥିବା ଜଣାଯାଉଛି । ବ୍ରହ୍ମପୁର ପ୍ରେମନଗର ଅଞ୍ଚଳକୁ ଏହି ସୁନାରୂପା ଆସୁଥିଲା ବୋଲି କୁହାଯାଏ । ଏଥି ପୂର୍ବରୁ ମଧ୍ୟ ଅଳଙ୍କାର ସହ କୋଟି କୋଟି ଟଙ୍କା ଜବତ କରିଛି ବ୍ରହ୍ମପୁର ପୋଲିସ ।
