ବରଗଡ଼, (ସତ୍ୟ ନାରାୟଣ ପ୍ରଧାନ) : ବରଗଡ଼-ଭଟଲି ରାସ୍ତା ରେ ଆଜି ଏକ ପାଣି ଟାଙ୍କି ନେଇଯାଉଥିବା ଟ୍ରାକ୍ଟର ଓ ଟ୍ରକ ମଧ୍ୟରେ ମୁହାଁମୁହିଁ ଧକ୍କା ହେବାରୁ ଟ୍ରାକ୍ଟର ଡ୍ରାଇଭର ଙ୍କ ମୃତ୍ୟୁ ଘଟିଛି । ଟ୍ରକ ଡ୍ରାଇଭରଙ୍କୁ ଗୁରୁତର ଆହତ ଅବସ୍ଥାରେ ପ୍ରଥମେ ବରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଓ ପରେ ବୁର୍ଲା ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ଦୁର୍ଘଟଣା ପରେ ସ୍ଥାନୀୟ ଲୋକେ ଉଭୟଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଣିଥିଲେ ମାତ୍ର ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ଅବସ୍ଥାରେ ଜଣେ ମୃତ୍ୟବରଣ କରିଥିବା ବେଳେ ଆଉ ଜଣେ ଅଧିକ ଗୁରୁତର ଥିବାରୁ ତାକୁ ଭୀମସାର ବୁର୍ଲାକୁ ରେଫର କରାଯାଇଛି । ମୃତ ଟ୍ରାକ୍ଟର ଡ୍ରାଇଭର ଖଲିଆପାଲି ଗ୍ରାମ ର ଭାସ୍କର ଧରୁଆ ଏବଂ ଟ୍ରକ ଡ୍ରାଇଭର ଅତାବିରା ଥାନା ଅନ୍ତର୍ଗତ ଲଡୁ ଖାଇ ଗ୍ରାମର ରମେଶ ଯାଦବ ବୋଲି ଜଣାପଡିଛି ।
