ପିପିଲି : ଅଗ୍ରଣୀ ସ୍ୱେଚ୍ଛାସେବୀ ସଂସ୍ଥା ବାଲା ବିକାଶ ସଂଗଠନ ଓ ଆମାଜନ ପକ୍ଷରୁ ପିପିଲି ବ୍ଲକ ଅନ୍ତର୍ଗତ ପୋପରଙ୍ଗା ପଞ୍ଚାୟତର ବନ୍ୟା ପ୍ରଭାବିତ ଅଞ୍ଚଳରେ ରିଲିଫ୍ କିଟ୍ ଓ ସାମଗ୍ରୀ ବଣ୍ଟନ କରାଯାଇଛି । ସ୍ଥାନୀୟ ବିଧାୟକ ରୁଦ୍ରପ୍ରତାପ ମହାରଥୀଙ୍କ ଅନୁରୋଧ କ୍ରମେ ଆମାଜନ ଓ ବାଲା ବିକାଶ ସଂଗଠନ ପକ୍ଷରୁ ପୋପରଙ୍ଗା ପଞ୍ଚାୟତର ବାଲିକୁଦା, ଦକ୍ଷିଣ ନୂଆଗାଁ ଓ ପାଚଲପୁର ଆଦି ଗ୍ରାମର ବନ୍ୟା ପ୍ରଭାବିତ ପରିବାରକୁ ପାଲ, ମଶାରୀ, ବାଲ୍ଟି, ସାବୁନ ସମେତ ଅନ୍ୟାନ୍ୟ ଆବଶ୍ୟକୀୟ ଉପକରଣ ବଣ୍ଟନ କରାଯାଇଛି । ବିଜେଡିର ପୁରୀ ଜିଲା ସାଧାରଣ ସଂପାଦକ କିଶୋର କୁମାର ଛୋଟରାୟଙ୍କ ସହଯୋଗରେ ସଂଗଠନର ପ୍ରୋଗ୍ରାମ ମ୍ୟାନେଜର ତିରୁପତି ପି. ଶିବରାମ ଏମ୍, ଚିତ୍ତରଞ୍ଜନ ପ୍ରଧାନ ଓ ସଭିଲ ଇଞ୍ଜିନିୟର ଚନ୍ଦନ କୁମାର ବେହେରା ପ୍ରମୁଖ ଏହି ରିଲିଫ୍ ସାମଗ୍ରୀ ଓ କିଟ୍କୁ ବଣ୍ଟନ କରିଥିଲେ ।