ଢେଙ୍କାନାଳ, (ତାପସ ଦାସ) : ହିନ୍ଦୋଳ ବ୍ଲକ ଅନ୍ତର୍ଗତ ଚିତ୍ତଳପୁର ଗ୍ରାମର ଅନନ୍ୟ ସ୍ୱେଚ୍ଛାସେବୀ ଅନୁଷ୍ଠାନ ଶିବଶକ୍ତି ଯୁବକ ସଂଘ ପକ୍ଷରୁ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଚିତ୍ତଳପୁର ଗ୍ରାମ ଉଗ୍ରେଶ୍ୱର ମନ୍ଦିର ନିକଟସ୍ଥ କଲ୍ୟାଣ ମଣ୍ଡପଠାରେ ଅନୁଷ୍ଠିତ ହୋଇଯାଇଛି । ସମ୍ବାଦ ଆମ ଓଡ଼ିଶାର ସହାୟତାରେ ଶିବିରଟି ଅନୁଷ୍ଠିତ ହୋଇଥିଲା । ଗ୍ରାମର ସଭାପତି ଦିବାକର ପାଣିଗ୍ରାହୀ, କେନ୍ଦ୍ରୀୟ ରେଡକ୍ରସ ରକ୍ତ ଭଣ୍ଡାର ପକ୍ଷରୁ ଡାକ୍ତର ଉମାକାନ୍ତ ମହାପାତ୍ର ଓ ଉଗ୍ରେଶ୍ୱର ମହାଦେବ ମନ୍ଦିର କମିଟି ସଭାପତି ଧର୍ମାନନ୍ଦ ମହାପାତ୍ର ପ୍ରମୁଖ ଉପସ୍ଥିତ ରହି ପ୍ରଦୀପ ପ୍ରଜ୍ୱଳନ ପୂର୍ବକ ଅନୁଷ୍ଠାନିକ ଭାବରେ ଶିବିର ଉଦ୍ଘାଟନ କରିଥିଲେ, ସଂଘର ସଭାପତି ବସନ୍ତ କୁମାର ମହାପାତ୍ରଙ୍କ ତତ୍ଵାବଧାନରେ ଶିବିରଟି ଅନୁଷ୍ଠିତ ହୋଇଥିଲା, ସଂଘର ସଦସ୍ୟ, ଗ୍ରାମବାସୀ ଓ ସ୍ଥାନୀୟ ରକ୍ତଦାତାଙ୍କ ସମେତ ମୋଟ ୭୦ ଜଣ ଏହି ଶିବିରରେ ରକ୍ତଦାନ କରିଥିଲେ ।