ତୁରେକେଲା, (ପିତାମ୍ବର ଦୀପ) : ବଲାଙ୍ଗିର ଜିଲ୍ଲାର ଜଣାଶୁଣା ଆଲିସାନ ସିନେମା ହଲ୍ରେ ପୋଲିସ ଓ ପ୍ରଶାସନ ପକ୍ଷରୁ ତନାଘନା ତଦନ୍ତ ପରେ ସିନେମା ହଲ୍ ସିଲ୍ ହୋଇଥିବା ଦେଖିବାକୁ ମିଳିଛି । ବେଲପଡା ବ୍ଲକ ସ୍ଥିତ ଲଥାକେନ୍ଦ ଗାଁ ପାଖରେ ଥିବା ଜଣାଶୁଣା ଆଲିସାନ ସିନେମା ହଲ୍ରେ ପ୍ରଶାସନର ଚଢ଼ାଉ ହୋଇଛି । ଲାଇସେନ୍ସକୁ ନେଇ ପ୍ରଶାସନ ପକ୍ଷରୁ ତନାଘନା ତଦନ୍ତ ଚାଲିଥିବା ବେଳେ ସିନେମା ହଲ୍ ଭିତରେ ବେଲପଡା, ତହସିଲଦାର, ପୋଲିସ, ଅଗ୍ନିସମ ବିଭାଗ, ବିଦ୍ୟୁତ୍ ବିଭାଗର ମିଳିତ କ୍ରମେ ଚାଲିଛି ଯାଞ୍ଚ । ସିନେମା ହଲ୍ର ଲାଇସେନ୍ସକୁ ଠିକ୍ ଭାବରେ ରିନୁଆଲ କରୁନଥିବା ବେଳେ ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ସିନେମା ହଲ୍ ଭିତର ଏବଂ ବାହାରେ ତଦନ୍ତ ଜାରି ରହିଛି ।