ପ୍ରଥମ ପଦ୍ମପୁର ପ୍ରିମିୟର ଲିଗ୍ ୨୦୨୪ ଦ୍ଵିତୀୟ ଦିନରେ ଏସ୍ଏସ୍ ଏଭେଞ୍ଜର୍ସ ଓ ଏସ୍ବିଏସ୍. XI ସେମିରେ ପ୍ରବେଶ
ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ସ୍ଥାନୀୟ ରାଜବୋଡାସମ୍ବର ଉଚ୍ଚ ବିଦ୍ୟାଳୟ ଖେଳ ପଡିଆ ଠାରେ ପ୍ରଥମ ପଦ୍ମପୁର ପ୍ରିମିୟର ଲିଗ୍ ୨୦୨୪ ଦ୍ଵିତୀୟ ଦିନ ଖେଳ ସମାପ୍ତ ହୋଇଯାଇଛି । ଟାଉନ କ୍ଲବ ପଦ୍ମପୁର ତରଫରୁ ଆୟୋଜିତ ଏହି ଟୁର୍ଣ୍ଣାମେଣ୍ଟରେ ମୋଟ ୮ଟି ଦଳ ଭିତରେ ଖେଳା ହେଉଥିବା ଏହି ପ୍ରିମିୟର ଲିଗ୍ ୩ ଦିନ ଧରି ହେଉଥିବା ଥିବା ବେଳେ ଦ୍ଵିତୀୟ ଦିନରେ ଟାଉନ କ୍ଲବର ସଭାପତି ପ୍ରୀତେଶ କୁମାର ବହିଦାର ଏବଂ କ୍ଲବର ସମ୍ପାଦକ କୁନାଲ ପାଣିଗ୍ରାହୀ ଅତିଥି ଭାବରେ ଯୋଗଦେଇ ଖେଳକୁ ଆରମ୍ଭ କରାଇଥିଲେ । ଅଞ୍ଚଳର ଖେଳାଳି ମାନେ ଏହି ପ୍ରକାର ଆୟୋଜନ ଦ୍ୱାରା ଉତ୍ସାହିତ ଏବଂ ନୂତନ ଖେଳାଳିଙ୍କୁ ଆକୃଷ୍ଟ କରିବାର ପ୍ରୟାସ ବୋଲି ଅତିଥି କହିଥିଲେ । ତେବେ ଦ୍ଵିତୀୟ ଦିନରେ ମଧ୍ୟ ମୋଟ୍ ଚାରୋଟି ଦଳ ଭିତରେ ଖେଳ ହୋଇଥିବା ବେଳେ ସମସ୍ତ ୬ଟି ମ୍ୟାଚ୍ ଲିଗ ମ୍ୟାଚ୍ ଥିଲା । ତେବେ ଆସନ୍ତା କାଲି ୨୪ ତାରିଖ ରବିବାର ଦିନ ୨ଟି ଯାକ ସେମିଫାଇନାଲ ଓ ଫାଇନାଲ ମ୍ୟାଚ୍ ମଧ୍ୟ ୩ଟି ଯାକ ମ୍ୟାଚ୍ ସେହି ଗୋଟିଏ ଦିନରେ ହିଁ ହେବାକୁ ଥିବା ବେଳେ ଦ୍ଵିତୀୟ ଦିନ ପରେ ଖେଳ ଜିତି ଏସ୍. ଏସ୍. ଏଭେଞ୍ଜର୍ସ ଦଳ ଓ ଏସ୍ବିଏସ୍ XI ଦଳ ସେମିଫାଇନାଲକୁ ପ୍ରବେଶ କରିଛନ୍ତି । ତେବେ ସେମି ଫାଇନାଲରେ ପ୍ରବେଶ କରିଥିବା ସମସ୍ତ ୪ଟି ଦଳ ଲିଗ୍ ମ୍ୟାଚ୍ ମାନଙ୍କରେ ଖୁବ ସୁନ୍ଦର ପ୍ରଦର୍ଶନ କରିଥିବା ବେଳେ ହେବାକୁ ଥିବା ୨ଟି ଯାକ ସେମିଫାଇନାଲ ମ୍ୟାଚ୍ ଏବଂ ଫାଇନାଲ୍ ମ୍ୟାଚ୍ ବେସ୍ ରୋମାଞ୍ଚକର ହେବାକୁ ଥିବା କ୍ରୀଡା ପ୍ରେମୀଙ୍କ ମଧ୍ୟରେ ଚର୍ଚ୍ଚା ହେଉଛି । ତେବେ ଏହି ମ୍ୟାଚ୍ ଉପଭୋଗ ପାଇଁ ବୋହୁ ସଂଖ୍ୟାରେ ଦର୍ଶକ ଓ ଖେଳ ପ୍ରେମୀଙ୍କ ଭିଡ଼ ଜମୁଛି ।