ବଡ଼ବିଲ : ବାଇକ୍ରୁ ୭ ଲକ୍ଷ ଟଙ୍କା ଜବତ । କେନ୍ଦୁଝର ଜିଲ୍ଲା ବଡ଼ବିଲ କିରିବୁରୁ ଛକରେ ବ୍ଲକିଂ ଚେକିଂ ବେଳେ ଜବତ କଲା ବଡ଼ବିଲ ପୋଲିସ । ଟଙ୍କା ଜବତ ସହ ଜଣଙ୍କୁ ଅଟକ ରଖୁଛି ପୋଲିସ । ତେବେ ଏକ ପରିବହନ ସଂସ୍ଥାର କର୍ମଚାରୀ ଟଙ୍କା ନେଇ ଯାଉଥିବା ବେଳେ ଧରିଛି ପୋଲିସ । ଘଟଣାକୁ ନେଇ ପୋଲିସ ଛାନଭିନ୍ ଜାରି ରଖିଛି । ସେ ଏତେ ଟଙ୍କା ନେଇ କେଉଁଆଡେ ଯାଉଥିଲେ, ଏତେ ଟଙ୍କା କାହାର ତାହା ସ୍ପଷ୍ଟ ହୋଇନାହିଁ । ସେପଟେ ଯାଜପୁର ଠିକାଦାରଙ୍କ ଗାଡିରୁ ୮୫ ହଜାର ଟଙ୍କା ଜବତ କଲା ଫ୍ଲାଇଂ ସ୍କ୍ୱାଡ୍ ଟିମ୍ । ଯାଜପୁର ଟାଉନ ଥାନା ଅନ୍ତର୍ଗତ ମୋଟରଙ୍ଗାପାଳ ନିକଟରେ ଚେଜିଂ ଚାଲୁଥିବା ବେଳେ ଆଖୁଆପଦା ଅଞ୍ଚଳରୁ ଆସିଥିବା ବ୍ରିଜା ଗାଡିରେ ମାଲିକ ନାରାୟଣ ବେହେରା ଥିବାବେଳେ ଗାଡିରୁ ୮୫ ହଜାର ଟଙ୍କା ବାହାରିଥିଲା । କୌଣସି ଦସ୍ତାବିଜ ଦେଖାଇ ନପାରିଥିବାରୁ ଜବତ ଅର୍ଥ ରାଶିକୁ ଟ୍ରେଜେରୀରେ ଜମା କରାଯାଇଥିବା ସୂଚନା ଦେଇଛନ୍ତି ଏଫ୍ଏସ୍ଟି ମାଜିଷ୍ଟ୍ରେଟ୍ ପରେଶ ପଣ୍ଡା ।