ସିରୋଳ, (କେପିଏନ୍ଏସ୍) : ସିରୋଳ ହାଇସ୍କୁଲ ଠାରେ ବିଦ୍ୟା ଶ୍ରୀ ପିଲାଙ୍କ ଭ୍ରାମ୍ୟମାଣ ପାଠାଗାର କାର୍ଯ୍ୟକ୍ରମ କରାଯାଇଛି ଏହି କାର୍ଯ୍ୟକ୍ରମ ବିଦ୍ୟାଳୟର ପ୍ରଧାନ ଶିକ୍ଷକ ବିଜେ କୁମାର ରଣା ଅଧ୍ୟକ୍ଷତାରେ ଛାତ୍ରଛାତ୍ରୀମାନଙ୍କୁ ପୁସ୍ତକ ମନସ୍କ ପାଇଁ ବିଭିନ୍ନ ଉଦାହରଣ ଦେଇ ନାନା ପ୍ରକାର ଉପଦେଶ ଦେଇଥିଲେ । ସିରୋଳ କ୍ଳଷ୍ଟରର ସିଆର୍ସିସି ସୁଧିର ନାଗ କାର୍ଯ୍ୟକ୍ରମର ପ୍ରଶଂସା କରିଥିଲେ । ବିଦ୍ୟାଳୟର ସହକାରୀ ଶିକ୍ଷକ ଭରତମାଝୀ, ଶ୍ୟାମସୁନ୍ଦର ପ୍ରଧାନ, ବିନୋଦ ବାରିକ ଶିକ୍ଷା ମାଧ୍ୟମରେ ଶିଶୁ ଟିଏ ଜ୍ଞାନ ଆହରଣ କରିଥାଏ, ଶିକ୍ଷା ମଣିଷକୁ ସଶକ୍ତ କରି ଜୀବନର ଘାତ ପ୍ରତିଘାତରୁ ସମ୍ମୁଖୀନ ହେବାକୁ ପଥ ପ୍ରଦର୍ଶନ କରିଥାଏ ବୋଲି ମତବ୍ୟକ୍ତ କରିଥିଲେ । ପ୍ରତିଯୋଗିତା ମାଧ୍ୟମରେ କୃତି ପ୍ରତିଯୋଗୀଙ୍କୁ ମାନପତ୍ର, ଖାତା କଲମ ଦେଇ ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ ପାଠାଗାର ପ୍ରତିଷ୍ଠାତା ବୃନ୍ଦାବନ କୁମ୍ଭାର ।