ଜିଲ୍ଲାପାଳ ଓ କଣ୍ଟାବାଞ୍ଜି ବିଧାୟକ ମଧ୍ୟରେ କଥା କଟା କଟି ଘଟଣା, ପ୍ରତିବାଦରେ ପ୍ରଶାସନିକ ଅଧିକାରୀଙ୍କ କଳା ବ୍ୟାଚ୍ ପରିଧାନ
ସଇଁନ୍ତଲା, (କେପିଏନ୍ଏସ୍) : ଗତ କିଛି ଦିନ ତଳେ କଣ୍ଟାବାଞ୍ଜି ବିଧାୟକ ତଥା କଂଗ୍ରେସ ବରିଷ୍ଠ ନେତା ସନ୍ତୋଷ ସିଂ ସାଲୁଜା ଓ ବଲାଙ୍ଗିର ଜିଲ୍ଲାପାଳ ଚାଞ୍ଚଳ ରାଣାଙ୍କ ମଧ୍ୟରେ ବିଜୁ କେବିକେରେ କଣ୍ଟାବାଞ୍ଜି ଅଞ୍ଚଳର ବିଭିନ୍ନ ବ୍ଲକକୁ ପାଣ୍ଠି କମ୍ ଦେଉଥିବା ଅଭିଯୋଗ ନେଇ କଥା କଟା କଟି ହୋଇଥିଲା । ଏହାର ପ୍ରତିବାଦରେ ଆଜି ବଲାଙ୍ଗିର ଜିଲ୍ଲାର ବିଭିନ୍ନ ସରକାରୀ ଅଧିକାରୀ କଳା ବ୍ୟାଚ୍ ପରିଧାନ କରି ପ୍ରତିବାଦ କରିଥିବା ବେଳେ ସଇଁନ୍ତଲା ବିଡିଓ ଚନ୍ଦ୍ରମଣି ନାଗଙ୍କ ସମେତ ବ୍ଲକର ସମସ୍ତ କର୍ମଚାରୀ ମଧ୍ୟ କଲା ବ୍ୟାଚ୍ ଧାରଣ କରି ପ୍ରତିବାଦ କରିଥିଲେ । ପ୍ରତିବାଦରେ ବିଏଲସି ସୁଧାଂଶୁ ଶେଖର ବଚ୍ଛା, ଦେବଦତ୍ତ ଗଡ଼ତିଆ, ସୁଦର୍ଶନ ନନ୍ଦ, ଗୋବିନ୍ଦ ମାଝୀ, ସନ୍ତୋଷ କୁମାର ବେହେରା, କିଶୋର କୁମାର ସାହୁ, ସୁବ୍ରାଂଶୁ ଶେଖର ବେହେରା, ମୋନୋରଞ୍ଜନ ବେହେରା, ଲକ୍ଷ୍ମଣ ଜାନୀ, ପ୍ରଶାନ୍ତ ବାରିକ ଓ ପରେଶ ଚନ୍ଦ୍ର ସାହୁ ପ୍ରମୁଖ ଉପସ୍ଥିତ ଥିଲେ ।