ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ଅନ୍ତର୍ଗତ ବରତୁଣ୍ଡା ଗ୍ରାମ ପଞ୍ଚାୟତ ଅନ୍ତର୍ଗତ ପୁରେନା ଗ୍ରାମର ପୂର୍ବତନ ୱାର୍ଡ ମେମ୍ବର ଯଶଦେବ ସିଂଙ୍କ ୭୦ ବର୍ଷ ବୟସରେ ପରଲୋକ ହୋଇଯାଇଛି । ସେ ୧୫ ବର୍ଷ ଧରି ଗାଁର ୱାର୍ଡ ମେମ୍ବର ଭାବେ କାର୍ଯ୍ୟ କରିବା ସହିତ ଗାଁର ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ସମ୍ପାଦନ କରିଥିଲେ ଏବଂ ଲୋକଙ୍କ ସୁବିଧା ଅସୁବିଧାରେ ସକ୍ରିୟ ସହଯୋଗ କରି ଆସୁଥିଲେ । ସେ ଏକାଧାରରେ ଜଣେ ସମାଜସେବୀ, ଭାଗବତପ୍ରେମୀ ତଥା ହିତୈଷୀ ଲୋକ ଭାବେ ଅଞ୍ଚଳରେ ବେଶ ଜଣାଶୁଣା ଥିଲେ । ତାଙ୍କ ବିୟୋଗରେ ପାଇକମାଲ ଅଞ୍ଚଳରେ ଶୋକର ଛାୟା ଖେଳିଯାଇଛି । ତାଙ୍କର ମୃତ୍ୟୁ ସମୟରେ ସ୍ତ୍ରୀ ସାବିତ୍ରୀ ସିଂ, ଦୁଇପୁତ୍ର ଡୋଳାମଣି ସିଂ, ଚିନ୍ତାମଣି ସିଂ, ଦୁଇ ପୁତ୍ରବଧୁ ସୁଜାତା ଓ କୌଶଲ୍ୟା ତଥା ନାତି ନାତୁଣୀ ଉପସ୍ଥିତ ଥିଲେ । ବଡ଼ପୁଅ ଡୋଳାମଣି ସିଂ ମୁଖାଗ୍ନି ଦେଇଥିଲେ । ଗାଁରେ ତାଙ୍କ ବିୟୋଗରେ ଶୋକକୁଳ ପରିବେଶ ସୃଷ୍ଟି ହୋଇଛି ।