ଖପ୍ରାଖୋଲ, (ଅଶୋକ କୁମାର ବାଗ) : ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ସଦର ଖପ୍ରାଖୋଲର ଧର୍ମ ପରାୟଣ ବ୍ୟକ୍ତି ନଳିନୀ ସାହୁ(୭୯)ଙ୍କ ରବିବାର ପୂର୍ବାହ୍ନ ସମୟରେ ତାଙ୍କ ବାସଭବନରେ ପରଲୋକ ହୋଇଯାଇଛି । ଗତ ୧୫ ଦିନ ତଳେ ସେ ନିଜ ଘରେ ପଡିଜାଇ ଅସୁସ୍ଥ ହୋଇପଡି ଡାକ୍ତରଖାନାରେ ଚିକିତ୍ସିତ ହେଉଥିଲେ । ସ୍ୱର୍ଗତ ସାହୁ ବହୁ ବର୍ଷ ଧରି ଖପ୍ରାଖୋଲ ସ୍ୱାସ୍ଥ୍ୟ ବିଭାଗରେ କାମ କରି ଅବସର ନେବା ପରେ ଘରେ ଥାଇ ଲୋକଙ୍କୁ ସେବା ଯୋଗାଇ ଆସୁଥିଲେ । ସେ ଜଣେ ମିଷ୍ଟଭାଷୀ, ଧର୍ମ ପରାୟଣ ଓ ପରୋପକାରୀ ବ୍ୟକ୍ତି ଥିଲେ । ମୃତ୍ୟୁ ସମୟରେ ତାଙ୍କ ପତ୍ନୀ, ଚାରି ପୁଅ, ବୋହୁ, ନାତିନାତୁଣୀ ସମେତ ବନ୍ଧୁବର୍ଗ ଉପସ୍ଥିତ ଥିଲେ । ମୃତ୍ୟୁପରେ ଗ୍ରାମବାସୀଙ୍କ ସମେତ ଆଖପାଖ ଅଞ୍ଚଳର ବହୁ ମାନ୍ୟଗଣ୍ୟ ବ୍ୟକ୍ତି ତାଙ୍କର ଶେଷଦର୍ଶନ କରିଥିଲେ । ଜ୍ୟୋଷ୍ଠ ପୁତ୍ର ରମେଶ ସାହୁ ମୁଖାଗ୍ନି ଦେଇଥିଲେ । ନଳିନୀ ସାହୁଙ୍କ ମୃତ୍ୟୁରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି ।