ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବ୍ଲକ କୁତୁର୍ଲା ପଞ୍ଚାୟତ ମୁରସିଂ ଗାଁର ଛବି ପଧାନ (୬୦)ଙ୍କ ଗୁରୁବାର ଦିନ ସକାଳ ୯ଟା ସମୟରେ ନିଜ ବାସ ଭବନରେ ଦେହାନ୍ତ ହୋଇଯାଇଛି । ଶାରିରୀକ ଅସୁସ୍ଥତା ଯୋଗୁଁ କିଛି ମାସ ହେଲା ରାଜ୍ୟ ବାହାରେ ଏକ ଘରୋଇ ଡାକ୍ତରଖାନାରେ ଚିକିତ୍ସିତ ହୋଇଥିଲେ । ସେ ଦେଓଗାଁ ଅଞ୍ଚଳର ଜଣେ ଜଣାଶୁଣା ଚାଷୀ, ସମାଜ ସେବୀ ତଥା ଠିକାଦାର ଭାବେ ବେଶ ପରିଚିତ ଥିଲେ । ମୃତ୍ୟୁ ସମୟରେ ତାଙ୍କ ପତ୍ନୀ ଦମୟନ୍ତୀ, ସହ ତାଙ୍କ ୪ଝିଅ ସସ୍ମିତା ସଙ୍ଗୀତା, ଡୁଲେଶ୍ବରୀ ଓ ଲିଲିମା ଓ ଏକମାତ୍ର ପୁଅ ନିତିଶ (ମିଲନ) ଉପସ୍ଥିତ ଥିଲେ । ଗୁରୁବାର ମଧ୍ୟାନ୍ନ ୧୨ଟା ସମୟରେ ତାଙ୍କ ଚାଷ ଜମି ନିକଟରେ ଶେଷ କୃତ୍ୟ କରାଯାଇଥିଲା । ଏକମାତ୍ର ପୁଅ ମିଲନ ମୁଖାଗ୍ନୀ ଦେଇଥିଲେ । ଛବି ପଧାନଙ୍କ ମୃତ୍ୟୁ ଖବର ପ୍ରଚାରିତ ହେବା ପରେ ଦେଓଗାଁ ଅଞ୍ଚଳରେ ଶୋକର ଛାୟା ଖେଳିବା ସହ ବନ୍ଧୁ, ବାନ୍ଧବ ଆସି ଶେଷ ଦର୍ଶନ କରିବା ସହ ଶବାଧାରରେ ସାମିଲ ହୋଇଥିଲେ ।