ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବ୍ଲକ ଅନ୍ତର୍ଗତ ରାମଚନ୍ଦ୍ରପୁର ସ୍ଥିତ ଉଚ୍ଚ ପ୍ରାଥମିକ ବିଦ୍ୟାଳୟର କାର୍ଯ୍ୟରତ ପ୍ରଧାନ ଶିକ୍ଷକ ଲିଙ୍ଗରାଜ ଧରୁଆ(୫୭)ଙ୍କ ଗତ ଶୁକ୍ରବାର ଦିନ ଆକସ୍ମିକ ବିୟୋଗ ଘଟିଛି । ସେ ବଲାଙ୍ଗିର ସଦର ବ୍ଲକ ଅନ୍ତର୍ଗତ ଲୁଚକିବନ୍ଧ ଗାଁର ବାସିନ୍ଦା ଥିଲେ । ତାଙ୍କ ଦୁଇ ପୁଅ ବାପୁନ୍, ତପନ ଓ ଗୋଟେ ଝିଅ ସନ୍ଧ୍ୟାରାଣୀ । ତାଙ୍କ ଆକସ୍ମିକ ବିୟୋଗ ଖବର ପାଇବା ପରେ ରାମଚନ୍ଦ୍ରପୁର ଓ ଲୁଚକିବନ୍ଧ ଗାଁ ସହ ଦେଓଗାଁ ବ୍ଲକ ଶିକ୍ଷକ ମହଲରେ ଶୋକର ଛାୟା ଖେଳି ଯାଇଛି । ଗାଁ ମଶାଣିରେ ଶେଷକୃତ୍ୟ ସଂପନ୍ନ ହୋଇଯାଇଥିବା ବେଳେ ବଡ଼ପୁଅ ବାପୁନ୍ ମୁଖାଗ୍ନି ଦେଇଥିଲେ ।