ଲୋଇସିଂହା, (କେପିଏନ୍ଏସ୍) : ପରିବେଶକୁ ପ୍ରଦୂଷଣରୁ ମୁକ୍ତ ରଖିବା ସହ ପରିମଳ ବ୍ୟବସ୍ଥାରେ ସୁଧାର ଆଣିବା ପାଇଁ ଲୋଇସିଂହା ବ୍ଲକ ଅନ୍ତର୍ଗତ ପର୍ଦ୍ଧିଆପାଲି ଗାଁରେ ଏକ ସଚେତନତା ସଭା ଅନୁଷ୍ଠିତ ହୋଇଯାଇଛି । ବିଶ୍ୱ ପାଇଖାନା ଦିବସ ଅବସରରେ ସ୍ଥାନୀୟ ୱାର୍ଲଡ଼ ଭିଜନ ଇଣ୍ଡିଆ ଲୋଇସିଂହା ଏଡିପି ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ଗ୍ରାମର ବହୁ ମହିଳା ଓ ପୁରୁଷ ଅଂଶଗ୍ରହଣ କରି ଏହି ଦିନର ତାତ୍ପର୍ଯ୍ୟ ଉପରେ ଆଲୋଚନା କରିଥିଲେ । ଏଥିରେ ୱାର୍ଲଡ଼ ଭିଜନର ସିଡିଏଫ୍ ମଳୟ କାନ୍ତ ନାୟକ ଯୋଗଦେଇ ପାଇଖାନାର ନିୟମିତ ବ୍ୟବହାର ଦ୍ୱାରା ମଣିଷ ସମାଜର ସ୍ୱାସ୍ଥ୍ୟ ଉପରେ ଉନ୍ନତି ହେଉଥିବା ବେଳେ ପରିବେଶ ପାଇଁ ମଧ୍ୟ ଏକ ଭଲ ବାତାବରଣ ଦେଇଥାଏ । ତେଣୁ ଆମେ ସମସ୍ତେ ପାଇଖାନା ବ୍ୟବହାର କରିବା ସହ ସମସ୍ତଙ୍କୁ ବ୍ୟବହାର ଦିଗରେ ପରାମର୍ଶ ଦେଇଥିଲେ । ଏହାସହ ଉପସ୍ଥିତ ସମସ୍ତ ଅଂଶ ଗ୍ରହଣକାରୀ ଆଗାମୀ ଦିନରେ ପାଇଖାନା ବ୍ୟବହାର ଉପରେ ଗୁରୁତ୍ୱ ଦେବାକୁ ସଂକଳ୍ପ ନେଇଥିଲେ ।