ରାଉରକେଲା, (ସସ୍ମିତା ପ୍ରଧାନ) : ସାମାଜିକ ତଥା ସାଂସ୍କୃତିକ ଅନୁଷ୍ଠାନ ଗରିମା ପରିବାର ତରଫରୁ ସପ୍ତମ ଓଡ଼ିଶା ଦିବସ ସ୍ଥାନୀୟ ସିଭିକ ସେଣ୍ଟର୍ ଠାରେ ମହାସମାରୋହରେ ପାଳିତ ହୋଇଯାଇଛି । ଅନୁଷ୍ଠାନର ଅଧ୍ୟକ୍ଷା ନିହାରିକା ବସ୍ତିଆଙ୍କ ଅଧ୍ୟକ୍ଷତା ସଭାପତି ମମତା ନାଏକ ଓ ସମ୍ପାଦିକା ଡ଼ଃ ସରିତା ମଲ୍ଲଙ୍କ ଆବାହକତ୍ଵ ତଥା ମୋନାଲିସା ସାହୁଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ମା ଘର ଚାରିଟେବୁଲ ଟ୍ରଷ୍ଟର ମୁଖ୍ୟ ଋତୁପର୍ଣ୍ଣା ମହାନ୍ତି, ଗୃହସ୍ଥିର ମଞ୍ଜୁ ଦେବୀ ବାଗାଡିଆ, ଦୀପିକା ମହିଳା ସଂହତିର ସଭାପତି ନମ୍ରତା ବର୍ମା, ଉପସଭାପତି ପ୍ରଭାତୀ ମିଶ୍ର, ରୀତାରାଣୀ ପ୍ରମୁଖ ଅତିଥି ଭାବେ ଯୋଗଦେଇଥିଲେ । ଏହି ଅବସରରେ ସବୁ ବର୍ଷ ଭଳି ନୂତନ ସ୍ୱାଦର ସାଂସ୍କୃତିକ କାର୍ଯ୍ୟକ୍ରମ ଯଥା ଓଡ଼ିଶାର ବିଭିନ୍ନ ଅଞ୍ଚଳର ଖାଦ୍ୟର ସ୍ୱାଦ ଓ ବିଭିନ୍ନ ଜିଲ୍ଲାର ନୃତ୍ୟକୁ ନେଇ ଏକ ସ୍ୱତନ୍ତ୍ର କାର୍ଯ୍ୟକ୍ରମ କରାଯାଇଥିଲା । ଯାହା ଅତିଥି ମାନଙ୍କ ସହ ଦର୍ଶକଙ୍କୁ ବାନ୍ଧି ରଖିବାରେ ସଫଳ ହୋଇଥିଲା । ଅତିଥିମାନେ ସେମାନଙ୍କ ବକ୍ତବ୍ୟରେ ଓଡ଼ିଶାର ସଂସ୍କୃତି, ପରମ୍ପରାକୁ ପ୍ରଶଂସା କରିବା ସହ ଅନୁଷ୍ଠାନର ସାମାଜିକ ପ୍ରତିବଦ୍ଧତାକୁ ସାଧୁବାଦ ଜଣାଇଥିଲେ । ଏହି ଅବସରରେ ସମାଜସେବୀ ଋତୁପର୍ଣ୍ଣା ମହାନ୍ତି ଓ ମଞ୍ଜୁଦେବୀ ବାଗାଡିଆଙ୍କୁ ଗରିମା ସେବା ସମ୍ମାନରେ ସମ୍ମାନୀତ କରାଯାଇଥିଲା । ଅନୁଷ୍ଠାନର ମୁଖ୍ୟ ପୃଷ୍ଠପୋଷକ ଶଙ୍କର ଜେନାଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ଅନ୍ୟତମ ଅତିଥି ଭାବେ ସୁନିଲ କାୟଲ, ଉପଦେଷ୍ଟା ରଶ୍ମିତ ସାହାଣୀ, ପବନ ଅଗ୍ରୱାଲ, ସନ୍ତୋଷ ଅଗ୍ରୱାଲ, ଡ଼ଃ ସମ୍ପାଦିକା ମହାନ୍ତି, ଦିଲ୍ଲିପ ମହାପାତ୍ର, ଡ଼ଃ ସଞ୍ଜୟ ହାତୀ, ହିରାଲାଲ ମହାପାତ୍ର, ପ୍ରଦୀପ କୁମାର ଦାସ, ପ୍ରଦୀପ ପଟ୍ଟନାୟକ, ଗୃହସ୍ଥି ସିଇଓ ଅମିତ ଅଗ୍ରୱାଲ, ଆଇଟିଆଇ ଅଧ୍ୟକ୍ଷ ଡମାନ ସୋରେନ ପ୍ରମୁଖ ଉପସ୍ଥିତ ରହି କଳାକାରଙ୍କୁ ଉତ୍ସାହିତ କରିଥିଲେ । ଏହି କାର୍ଯ୍ୟକ୍ରମ ପରିଚାଳନାରେ ପରିବାରର ଡ଼ଃ ସରିତା ମଲ୍ଲିକ, ସୁମିତା ପଟ୍ଟନାୟକ, ଶଙ୍କରିନା ପ୍ରଧାନ, ପ୍ରଣତୀ ପଟ୍ଟନାୟକ, ଶାନ୍ତିଲତା ବାରିକ, ଶର୍ମିଲା ରାଜଗୁରୁ, ଲୁସି ଦାଶ, ରେବତୀ ବାରିକ, ସନ୍ତୋଷୀ ମଲ୍ଲିକ, ରଶ୍ମି ନାୟକ, ମମତା ଦାଶ, ସୁନିତା ଶ୍ରୀନିବାସନ, ମୀନତି ମୋଦୀ, ଭାଗ୍ୟଶ୍ରୀ ଦାସ, ତପସ୍ୱିନୀ ପାତ୍ର, ଦେବସ୍ମିତା ଶତପଥୀ, ଲୀନା ତ୍ରିପାଠୀ, ମୀନାକ୍ଷୀ ପାଢ଼ୀ, ରଶ୍ମିତା ଚୌଧୁରୀ, ଶୁଭଲକ୍ଷ୍ମୀ ପାତ୍ର, ମୌସୁମୀ ଆଚାର୍ଯ୍ୟ, ସସ୍ମିତା ମିଶ୍ର, ମଞ୍ଜୁ ରାଣୀ ମେହେର, ରିମି ଚକ୍ରବର୍ତ୍ତୀ, ଅଞ୍ଜୁ ପାଣ୍ଡେ, ରଞ୍ଜିତା ଶତପଥୀ, ବ୍ରତତୀ ପ୍ରଧାନ, ମୋନାଲିସା ଗୌଡ, ବିଷ୍ଣୁପ୍ରିୟା ଦାଶ, ଗାୟତ୍ରୀ ମହାନ୍ତି ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଶେଷରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା ।