ପାଟଣାଗଡ଼, (କେପିଏନ୍ଏସ୍) : ପାଟଣାଗଡ ୧୯୯୨-୯୪ ବ୍ୟାଚ୍ ଜବାହାରଲାଲ ମହାବିଦ୍ୟାଳୟର ନୂଆଁଖାଇ ଭେଟ୍ଘାଟ୍ ଓ ବନ୍ଧୁମିଳନ କାର୍ଯ୍ୟକ୍ରମ ସରମୁହାଣ ସ୍ଥିତ ରାଉତ କୃଷିଫାର୍ମଠାରେ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମଟି ଚିନ୍ତାମଣି ରାଉତ, ଶୁସିଲ ସାହୁ, ଖୁସି ମଲ୍ଲିକ, ଆଶୋକ ମେହେର, ବ୍ୟାସଦେବ ପୁରୋହିତ, ଦୀଲିପ ଦାସ, ବୁଲୁ ମାଝୀ, ଝୁନା ଦାସ, ଶିବ ପାଢୀ ବିକାଶ ଭୋଇଙ୍କ ତତ୍ୱାବଧାନରେ ଧୁମ୍ଧାମ୍ରେ ୧୦୦ ଜଣ ସଭ୍ୟଙ୍କ ମଧ୍ୟରେ ପାଳିତ ହୋଇଥିଲା । ଦୀର୍ଘ ୨୮ ବର୍ଷପରେ ଭେଟ୍ଘାଟ୍ ପଡ଼ିଥିବାରୁ ଉପସ୍ଥିତ ସଭ୍ୟମାନେ ଖୁସିବ୍ୟକ୍ତ କରି ନିଜ କଲେଜ ଜୀବନରେ ଘଟିଥିବା କଥା ମନେପକାଇ ଖୁସିବ୍ୟକ୍ତ କରିଥିବା ସହ ଆଜୋୟକ କମିଟିକୁ ଧନ୍ୟବାଦ ଦେଇଥିଲେ । ପ୍ରତିବର୍ଷ ଏଭଳି ବନ୍ଧୁମିଳନ କରିବାକୁ ଆଜୋୟକ କମିଟିକୁ ଜଣାଇ ଥିଲେ । ଆଗାମୀ ଦିନରେ ବନ୍ଧୁବାନ୍ଧବୀ ଓ ପରିବାର ଲୋକଙ୍କୁ ନେଇ ଏକ କାର୍ଯ୍ୟକ୍ରମ କରିବା ପାଇଁ ପରିଚାଳନା କମିଟି ପ୍ରତିଶ୍ରୁତି ଦେଇଥିଲେ ।