ଭୁବନେଶ୍ୱର, (କେ.ସତ୍ୟନାରାୟଣ ରେଡ୍ଡୀ) : ବିଜୁ ଜନତା ଦଳରେ ନୂଆ ନିଯୁକ୍ତି ନେଇ ବିଜେଡି ସୁପ୍ରିମୋ ଏକ ପ୍ରେସ୍ ବିଜ୍ଞପ୍ତି ଜରିଆରେ ପ୍ରକାଶ କରିଛନ୍ତି । ବିଜୁ ଛାତ୍ର ଜନତା ଦଳର ବିଭିନ୍ନ ପଦ ପଦବୀ ନେଇ ନୂଆ ନିଯୁକ୍ତିକୁ ଅନୁମୋଦନ ଦିଆଯାଇଛି । ତେବେ ଏହି ବିଜ୍ଞପ୍ତି ଦେଇଛନ୍ତି ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ । ଏଥିରେ ୫ ଜଣଙ୍କୁ କାର୍ଯ୍ୟକାରୀ ସଭାପତି ଭାବେ ନିଯୁକ୍ତି ଦିଆଯାଇଛି । ଇପ୍ସିତା ସାହୁଙ୍କୁ ଛାତ୍ର ବିଜେଡିର ମହାସଚିବ ଦାୟିତ୍ୱ ମିଳିଥିବା ବେଳେ ଅବିନାଶ ଠାକୁର, ପ୍ରଶାନ୍ତ ପଣ୍ଡା, ରାଜେଶ ସ୍ୱାଇଁ, ବିଶ୍ୱ ପ୍ରତାପ ସାହୁ ଓ ମିକୁ ପ୍ରଧାନକୁ କାର୍ଯ୍ୟକାରୀ ସଭାପତି ଦାୟିତ୍ୱ ମିଳିଛି । ସେହିପରି ୫୧ ଜଣଙ୍କୁ ସାଧାରଣ ସମ୍ପାଦକ ଓ ୬୧ ଜଣଙ୍କୁ ସମ୍ପାଦକ ଦାୟିତ୍ୱ ମିଳିଥିବା ବେଳେ ୨୬ ଜଣଙ୍କୁ ଯୁଗ୍ମ ସମ୍ପାଦକ, ୮ଜଣଙ୍କୁ ବରିଷ୍ଠ ଉପସଭାପତି ଓ ୭ ଜଣଙ୍କୁ ଜୋନାଲ ସଭାପତି ଦାୟିତ୍ୱ ଦିଆଯାଇଛି । ୧୦ ଜଣଙ୍କୁ ଉପସଭାପତି, ୩୫ ଜଣଙ୍କୁ ସାଂଗଠନିକ ଜିଲ୍ଲା ପାଇଁ ନୂଆ ସଭାପତି ଭାବେ ନିଯୁକ୍ତି ଦିଆଯାଇଛି । ଏହି ବିବରଣୀ ଗୁଡିକୁ ପ୍ରକାଶ କରିଛନ୍ତି ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ।