ବରଗଡ଼, (ମୁନ୍ନା ସାହୁ) : ବରଗଡ଼ ଏକାମ୍ବ୍ର ଛକରେ ଦୁର୍ଘଟଣା । ଗୁରୁତର ଆହତଙ୍କୁ ଉଦ୍ଧାର କରି ଏମ୍ବୁଲାନ୍ସରେ ଜିଲ୍ଲାମୁଖ୍ୟ ଚିକିତ୍ସାଲୟ ପହଞ୍ଚାଇଲେ ବିଜେଡି ଛାତ୍ର ନେତା କରନ ସିକନ୍ଦର ଓ ସ୍ଥାନୀୟ ଲୋକେ । ସୂଚନା ଅନୁସାରେ ବରଗଡ଼ ଏକାମ୍ବ୍ର ଛକରେ ଏକ ସ୍କୁଟି ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଥିବା ବେଳେ ସ୍କୁଟି ଚାଳକ ଗୁରୁତର ଆହତ ହୋଇଥିବା ଜଣାପଡ଼ିଛି । ଗୁରୁତର ସ୍କୁଟି ଚାଳକଙ୍କ ମୁଣ୍ଡ, ଗୋଡ଼ ଓ ହାତରେ ଗଭୀର ଆଘାତ ଲାଗିଥିବା ବେଳେ ଘଟଣା ସ୍ଥଳରେ ଛାତ୍ର ନେତା କରନ ସିକନ୍ଦର ଓ ସ୍ଥାନୀୟ ଲୋକେ ପହଞ୍ଚି ତାଙ୍କୁ ଉଦ୍ଧାର କରିବା ସହ ଆମ୍ବୁଲାନ୍ସ ଯୋଗେ ଜିଲ୍ଲାମୁଖ୍ୟ ଚିକିତ୍ସାଲୟକୁ ଆଣି ଭର୍ତ୍ତି କରିଥିବା ଜଣାପଡ଼ିଛି ।