ସମ୍ବଲପୁର : ସମ୍ବଲପୁର ଟୁରିଷ୍ଟ ବସ୍ ଧକ୍କାରେ ନାବାଳକ ସ୍କୁଟି ଆରୋହୀ ମୃତ୍ୟୁ ଘଟଣା । ଉତ୍ତେଜନା ପରେ ଆଜି ଶାନ୍ତ ରହିଛି ପରିସ୍ଥିତି । ଗତକାଲି ରାତିରେ ପୋଲିସ ଲାଠି ଚାଳନା କରି ଉତ୍ତେଜନାକାରୀଙ୍କୁ ଘଉଡାଇବାରେ ସଫଳ ହୋଇଥିଲା । ଏପିରିକି ଦୁର୍ଘଟଣା ଘଟାଇଥିବା ବସକୁ ପୋଲିସ ଅଟକ ରଖିବା ସହ ଡ୍ରାଇଭରଙ୍କୁ ମଧ୍ୟ ଅଟକ ରଖିଥିବା ଜଣାପଡିଛି । ଅନ୍ୟପକ୍ଷରେ ବସ ଭିତରେ ଥିବା ପର୍ଯ୍ୟଟକଙ୍କୁ ସୁରକ୍ଷିତ ଭାବେ ନିଜ ଘର ମୟୁରଭଞ୍ଜକୁ ପଠାଇ ଦିଆଯିବ ବୋଲି କହିଛନ୍ତି ଉପ ଜିଲ୍ଲାପାଳ । ତେବେ କେଉଁ ପରିସ୍ଥିତିରେ ବସଟି ସହର ମଧ୍ୟକୁ ପ୍ରବେଶ କଲା ଓ ଟ୍ରାଫିକ କର୍ମଚାରୀ କଣ କରୁଥିଲେ, ସେନେଇ ତଦନ୍ତର ଆବଶ୍ୟକତା ରହିଛି । ଏହି ଘଟଣା ପରେ ପର୍ଯ୍ୟଟକଙ୍କୁ ଆକ୍ରମଣ ସହ ଅସଦାଚରଣ କରିଥିବା ଅଭିଯୋଗ ହୋଇଛି । ଏପିରିକି ପର୍ଯ୍ୟଟକଙ୍କ ଉପରକୁ ଟେକାମାଡ କରିବା ସହ ଅଶ୍ଲିଳ ଭାଷାରେ ଗାଳିଗୁଲଜ କରାଯାଇଥିବା କହିଛନ୍ତି । ନୂଆବର୍ଷ ଲାଗି ମୟୁରଭଞ୍ଜ ବେତନଟୀ ବ୍ଲକ ଯୁଗଳ ଗାଁରୁ ସମ୍ବଲପୁର ବୁଲିବା ସହ ମା’ ସମଲେଶ୍ୱରୀଙ୍କ ଦର୍ଶନ ପାଇଁ ଯିବା ବେଳେ ଏହି ଦୁର୍ଘଟଣା ଘଟିଛି ।