କଣ୍ଟାବାଞ୍ଜି, (ଯୁଗଳ କିଶୋର ଶବର) : ତୁରେକେଲା ବ୍ଲକ ଲାଠୋର ଯିବା ରାସ୍ତା, ବୁଡିବାହାଲରୁ ମହୁଲପାଟି ଗାଁଠାରେ ବାଇକ ଓ କାର୍ ମୁହାଁମୁହିଁ ଧକ୍କା ହେବା ଫଳରେ ବାଇକ ଚାଳକଙ୍କ ମୃତ୍ୟୁ ହୋଇଯାଇଛି । ବୁଡିବାହାଲ ଗାଁର ତ୍ରିଲୋଚନ ମାଝୀ ଦାଦନ ଟଙ୍କା ବଇନା ଅଗ୍ରୀମ ନେଇଁ ସେ ତାଙ୍କ ପରିବାର ସହ ଲାଠୋର ବଜାରକୁ ସଉଦା କିଣିବା ପାଇଁ ଯାଇଥିଲେ । ପରେ ତାଙ୍କ ପରିବାରଙ୍କୁ ଏକ ଅଟୋରେ ବସାଇ ଦେଇ ଲାଠୋରରୁ ଫେରୁଥିବା ସମୟରେ ଏକ ଇନୋଭା କାର୍ରେ ପିଟି ହୋଇ ତାଙ୍କ ମୃତ୍ୟୁ ହୋଇ ଥିବା ଜଣାପଡିଛି । ତାଙ୍କୁ ସ୍ଥାନୀୟ ଲୋକେ ଉଦ୍ଧାର କରି ତୁରେକେଲା ପୋଲିସକୁ ଜଣାଇଥିଲେ । ପରେ ତୁରେକେଲା ପୋଲିସ ଘଟଣାସ୍ଥଳରେ ପହଂଚି ଶବ ଜବତ କରି, ଇନୋଭା କାର୍କୁ ଜବତ କରି ତଦନ୍ତ ଚଳାଇଥିବା ସୂଚନା ମିଳିଛି ।