ଢେଙ୍କାନାଳ : ପିକ୍ନିକ୍ ବସ୍ ଓ ଟ୍ରକ ମୁହାଁମୁହିଁ ଧକ୍କା ହୋଇଥିବା ସୂଚନା ମିଳିଛି । ଢେଙ୍କାନାଳ ମହାବିରୋଡ଼ ଥାନା ଭେଜିଆ ମନ୍ଦିର ଛକ ନିକଟରେ ଟୁରିଷ୍ଟ ବସ୍ ଦୁର୍ଘଟଣାଗ୍ରସ୍ତ ହୋଇଥିଲା । ସମ୍ବଲପୁରରୁ ଚଣ୍ଡିଖୋଲ ଯାଉଥିବା ବେଳେ ତାଳଚେର ଆଡ଼ୁ ଖମାର ଆଡ଼କୁ ଯାଉଥିବା ଟ୍ରକ୍ ସହ ବସ୍ ଧକ୍କା ହୋଇଥିଲା । ଏହି ଦୁର୍ଘଟଣାରେ ବସ୍ରେ ଥିବା ୩ ଜଣ ଆହତ ହୋଇଛନ୍ତି । ଟ୍ରକ୍ ଚାଳକ ଗୁରୁତର ଅଛନ୍ତି । ବସ୍ରେ ୫୧ ଜଣ ଯାତ୍ରୀ ଥିବା ବେଳେ ସମ୍ବଲପୁରରୁ ଚଣ୍ଡିଖୋଲକୁ ଯାଉଥିଲା । ମିଳିଥିବା ସୂଚନା ଅନୁସାରେ ଚଣ୍ଡିଖୋଲ ଅଂଚଳର ‘ନିରୁପମା’ ନାମକ ବସ ୫୧ ଜଣ ଯାତ୍ରୀଙ୍କୁ ନେଇ ହୀରାକୁଦ ଯାଇଥିଲା । ଆଉ ଏହା ସମ୍ବଲପୁର ହୀରାକୁଦରୁ ପିକନିକ ସାରି ଫେରୁଥିଲା । ଘଟଣାସ୍ଥଳରେ ମହାବିରୋଡ଼ ଥାନା ପୁଲିସ ପହଂଚି ତଦନ୍ତ ଆରମ୍ଭ କରିଛି ।