ସଇଁନ୍ତଲା, (ଅଜିତ କୁମାର ସାହୁ) : ବଲାଙ୍ଗିର ଜିଲ୍ଲା ସଇଁନ୍ତଲା ଥାନା ଅଞ୍ଚଳରେ ଏକ ଅଭାବନୀୟ ଘଟଣା ଘଟିଥିବା ଏବେ ଜଣାପଡିଛି । ସୂଚନା ମତେ ସଇଁନ୍ତଲା ବ୍ଳକ ରେଙ୍ଗାଲବାହାଲ ନିକଟରେ ପେଟ୍ରୋଲିଙ୍ଗ କରୁଥିବା ଫରେଷ୍ଟ ଗାର୍ଡ ଯୁଗେଶ୍ୱର ବୁଡେ଼କ(୧୯)ଙ୍କୁ ବରାହ ଶିକାର କରି ଆସିଥିବା ଜଣେ ଦୁର୍ବୃତ୍ତ ଗୁଳି ମାଡ଼ କରିଥିବା ବେଳେ ଶ୍ରୀ ବୁଡେ଼କ ଗୁରୁତର ହୋଇ ଯାଇଥିଲେ । ଗୁରୁତର ଭାବେ ଆହତ ଫରେଷ୍ଟ ଗାର୍ଡଙ୍କୁ ସଇଁନ୍ତଲା ଡାକ୍ତରଖାନାକୁ ଆଣିବା ପରେରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହି ଘଟଣାକୁ ନେଇ ଏବେ ଅଞ୍ଚଳରେ ଶୋକର ଛାୟା ଖେଳିଯାଇଛି ।