ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ୧୬ନମ୍ବର ଜାତୀୟ ରାଜପଥ ଛତ୍ରପୁର ନିକଟସ୍ଥ କାଳିଆବାଲି ଛକ ନିକଟବର୍ତ୍ତୀ ସ୍ଥାନରେ ସୋମବାର ମଧ୍ୟାହ୍ନରେ ଏକ ସଡ଼କ ଦୁର୍ଘଟଣା ଘଟିଛି । ଘଟଣାସ୍ଥଳରେ ସ୍କୁଟି ଚାଳକଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତକଙ୍କ ନାମ ବାଳକୃଷ୍ଣ ଦାସ (୪୯) ରାମକୃଷ୍ଣନଗର ବ୍ରହ୍ମପୁର ସହରର ବୋଲି ଜଣାପଡିଛି । ସ୍କୁଟି ଚାଳକ ଏକ ଭାରବାହୀ ଟ୍ରକ ପାର୍ଶ୍ୱକୁ ଧକ୍କା ହୋଇ ଯିବାରୁ ଚାଳକ ଚକା ତଳେ ପଡ଼ିଯାଇ ତାଙ୍କର ମୃତ୍ୟୁ ହୋଇଥିବା କୁହାଯାଉଛି । ଉଦ୍ଭୟ ଭାରବାହୀ ଟ୍ରକ ଓ ସ୍କୁଟି ବ୍ରହ୍ମପୁରରୁ ଭୁବନେଶ୍ୱର ଆଭିମୁଖେ ଯାତ୍ରା କରୁଥିବା ବିଷୟ ପୋଲିସ କହିଛି । ମୃତକଙ୍କୁ ବ୍ରହ୍ମପୁର ବଡ଼ମେଡ଼ିକାଲକୁ ନେଇ ଶବ ବ୍ୟବଚ୍ଛେଦ କରାଯାଇଛି । ଘଟଣା ସମ୍ପର୍କରେ ଭାରବାହୀ ଟ୍ରକ ଡ୍ରାଇଭରକୁ ଥାନାରେ ଅଟକ ରଖାଯାଇଛି ଏବଂ ଚମାଖଣ୍ଡୀ ଥାନା ଅଧିକାରୀ ତଦନ୍ତ ଚଳାଇଥିବା କହିଛନ୍ତି ।