ସୋନପୁର, (ପ୍ରଭୁଦତ୍ତ ରଥ) : ସୋନପୁର ବାବା ନଗର ସ୍ଥିତ କୋଶଳ ଆବାସିକ ବିଦ୍ୟାଳୟ ପ୍ରାଙ୍ଗଣରେ ଜିଲ୍ଲା ଅଗ୍ନିଶମ ବିଭାଗ କର୍ମଚାରୀଙ୍କ ଦ୍ଵାରା ଏକ ମକଡିଲ୍ କାର୍ଯ୍ୟକ୍ରମ ଅନୁଷ୍ଠିତ ସୋଇଥିଲା । ପ୍ରଥମେ ବିଦ୍ୟାଳୟ ଓ ପଡାବାସୀଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକରେ ନିଆଁ ଲାଗିଲେ ଆମେ କିପରି ଲିଭାଇବା କିମ୍ବା ଅଗ୍ନିଶମ ବିଭାଗକୁ କିପରି ଖବର ଦେବା । ୧୧୨ ଫୋନ ନମ୍ବରର ବ୍ୟବହାର ବିଷୟରେ ଆଲୋଚନା କରିଥିଲେ । ବୈଠକ ପରେ ମକଡିଲ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ପ୍ରଦର୍ଶନୀରେ ନିଆଁ ଲାଗିଲା ପରେ ଅଗ୍ନିଶମ ବିଭାଗ ଖବର ଦେବା ନିଆଁ ଲାଗିଲେ ଆମେ ପ୍ରଥମେ କିପରି ଲିଭାଇବା ତାକୁ ଅଗ୍ନିଶମ ବିଭାଗର କର୍ମଚାରୀମାନେ ଦେଖାଇଥିଲେ ଓ ପରେ ବିଦ୍ୟାଳୟର ଗୁରୁଜୀ ଗୁରୁମା ଶିଶୁ ଭାଇ ଭଉଣୀ ମାନଙ୍କ ଦ୍ବାରା ପ୍ରଦର୍ଶନ କରିଥିଲେ । ଏହି କାର୍ଯ୍ୟକ୍ରମ ବିଦ୍ୟାଳୟ ପ୍ରଧାନ ଆଚାର୍ଯ୍ୟ ପରମା ନାଏକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ସୋନପୁର ଜିଲ୍ଲା ଅଗ୍ନିଶମ ଅଧିକାରୀ ବଲରାମ ପ୍ରଧାନ ଉପସ୍ଥିତ ରହିଥିବା ବେଳେ ଦିଲ୍ଲିପ କୁମାର ଦେହୁରୀ, ଲକ୍ଷ୍ମଣ ବିଶି, ବୁଦ୍ଧଦେବ ପ୍ରଧାନ, ରାଜେଶ ସାଗର, ବ୍ୟାସଦେବ ପ୍ରଧାନ ଉପସ୍ଥିତ ରହି କାର୍ଯ୍ୟକ୍ରମ ସଞ୍ଚାଳନା କରିଥିଲେ । ବିଦ୍ୟାଳୟ ସହପ୍ରଧାନ ଆଚାର୍ଯ୍ୟା ସ୍ମିତରାଣୀ ନାଏକ ଧନ୍ୟବାଦ ଅର୍ପଣ କରିଥିଲେ ।