ଭୁବନେଶ୍ୱର : ଲୁଟେରା ମାନେ ମୋବାଇଲ ଲୁଟ୍ କରିବା ସମୟରେ ସାହସିକତା ଦେଖାଇଛନ୍ତି ଜଣେ ଯୁବତୀ । ସୂଚନା ଅନୁସାରେ ଭୁବନେଶ୍ୱରର ଇମ୍ଫୋସିଟି ଥାନା ଅଧିନସ୍ଥ ଏକ ଅଞ୍ଚଳରେ ଦୁଇଜଣ ଲୁଟେରା ଜଣେ ଯୁବତୀଙ୍କ ଠାରୁ ମୋବାଇଲ ଲୁଟ୍ କରୁଥିବା ବେଳେ ଯୁବତୀ ଜଣକ ଲୁଟେରାଙ୍କୁ ଗୋଡ଼ାଇ ଗୋଡ଼ାଇ ଧରିଥିବା ଦେଖିବାକୁ ମିଳିଛି । ଦୁଇଜଣ ଲୁଟେରା ଏକ ବାଇକରେ ଆସି ଜଣେ ଯୁବତୀଙ୍କ ଠାରୁ ତାଙ୍କ ମୋବାଇଲ ଲୁଟ୍ କରିଥିଲେ । ଏହି ସମୟରେ ଯୁବତୀ ଜଣକ ସାହସିକତା ଦେଖାଇ ଲୁଟେରାଙ୍କୁ ଗୋଡ଼ାଇ ଗୋଡ଼ାଇ ଧରି ଉଭୟ ଲୁଟେରାଙ୍କୁ ପୋଲିସ ପାଖରେ ଜିମା ଦେଇଥିଲେ । ପୋଲିସ ଲୁଟେରାଙ୍କ ବାଇକ ଜବତ କରିବା ସହ ଉଭୟଙ୍କୁ ପଚରା ଉଚୁରା ଜାରି ରଖିଛି ।