ଲୋଇସିଂହା, (କେପିଏନ୍ଏସ୍) : ଲୋଇସିଂହା ସୁରସଙ୍ଗମ ସାଂସ୍କୃତିକ ସଂସଦ ଓ ସମୀର ଦିବ୍ୟାଙ୍ଗ ସଂଘ ତରଫରୁ ସ୍ଥାନୀୟ କଲେଜ ମୁଖ୍ୟ ଫାଟକରେ ଛାତ୍ରଛାତ୍ରୀ, ଅଧ୍ୟାପକ/ଅଧ୍ୟାପିକା ତଥା କର୍ମଚାରୀଙ୍କୁ ମାସ୍କ ଓ ସାନିଟାଇଜର ବଣ୍ଟନ କରାଯାଇଥିଲା । ସଘଂର ପ୍ରତିଷ୍ଠାତା ସଦସ୍ୟ କୀର୍ତ୍ତନ ଦାସଙ୍କ ପ୍ରଚେଷ୍ଟାରେ ତଥା ସମ୍ପାଦକ ସରୋଜ ମହାକୁରଙ୍କ ନେତୃତ୍ୱରେ ସ୍ଥାନୀୟ ଯୁବଗୋଷ୍ଠିଙ୍କୁ ନେଇ କଲେଜ ପରିସରରେ କୋଭିଡ ମୁକାବିଲା ପାଇଁ ସଚେତନତା କରାଯିବା ସହିତ ବିଭିନ୍ନ ଉପକରଣ ପ୍ରଦାନ କରାଯାଇଥିଲା । ଏଥିରେ ସଘଂର ସଭାପତି ବବଲୁ ଅଗ୍ରୱାଲ, ବିବେକା ଦୀପ, ମନୋଜ ମାହଣା, ରିକୁ ପଧାନ, ସମୀର ପଧାନ, ବବି ମହାକୁର, ଜୟନ୍ତୀ ସ୍ୱାଇଁ ପ୍ରମୁଖ ସହାୟତା କରିଥିଲେ । ଆଗାମୀ ଦିନରେ ଅନୁଷ୍ଠାନ ପକ୍ଷରୁ ଏଭଳି ସଚେତନତା ଧର୍ମୀ କାର୍ୟ୍ୟ ଜାରି ରହିବ ବୋଲି ସୁଚନା ଦିଆଯାଇଛି ।