ଭୁବନେଶ୍ୱର : ପିଢ଼ି ପିଢ଼ି ଧରି ଚାଲିଆସୁଥିବା ଶ୍ମଶାନ ଗୃହକୁ ହେଇପାରୁନି ରାସ୍ତା । କଥାରେ ଅଛି ଜନ୍ମରୁ ଏନ୍ତୁଡ଼ି, ମରଣରୁ ମସାଣି, ଯଦି ମଣିଷ ଜନ୍ମ ହୁଏ ମରଣ ନିଶ୍ଚିତ । ମଣିଷ ମରିବା ପରେ ମସାଣି ହେଉଛି ତାର ଶେଷସ୍ଥାନ । ସେହି ଶେଷ ସ୍ଥାନକୁ ଯିବାପାଇଁ (ବା) ଶବ ଦାହ କରିବା ପାଇଁ ଯଦି ରାସ୍ତା ଖଣ୍ଡେ ବି ନଥିବ ତେବେ ତାହା ଯମ ଯନ୍ତ୍ରଣା ଠୁ କିଛି କମ୍ ନୁହେଁ । ଆମେ ଆପଣଙ୍କୁ ଏମିତି ଏକ ସ୍ଥାନକୁ ନେଇଯିବୁ ଆପଣ ଦେଖିଲେ ଚକିତ ହୋଇପଡ଼ିବେ ଯେ ଏ ଧରା ପୃଷ୍ଟରେ ଏମିତି ଏକ ସ୍ଥାନ ଅଛି ଯାହାକି ନର୍କ ଠାରୁ କିଛି କମ୍ ନୁହେଁ। ଆମେ ଏମିତି ସେମିତି ଜାଗା କଥା କହୁନାହୁଁ ଯାହା ଦେଖିଲୁ ତାହା ପଣଙ୍କ ଆଗରେ ଦେଖାଉଛୁ । ଏ ସ୍ଥାନ ଆଉ କେଉଁଠାର ନୁହେଁ ଏହା ହେଉଛି ରାଜଧାନୀ ଭୁବନେଶ୍ଵର ଉପକଣ୍ଠ ଠାରୁ ମାତ୍ର ୧୫ କିଲୋମିଟର ଭିତରେ ଅବସ୍ଥିତ ଓ କଟକ ଜିଲ୍ଲା ବାରଙ୍ଗ ବ୍ଲକ ହରିଅନ୍ତା ପଞ୍ଚାୟତ ଅଧୀନ ଖନ୍ଦୋଳ ଗ୍ରାମର ଦୃଶ୍ୟ । ଏହି ଗାଁରେ ମଶାଣି ଅଛି ସତ କିନ୍ତୁ ସେହି ମଶାଣୀକୁ ରାସ୍ତା ଖଣ୍ଡେ ନାହିଁ । ଆଉ ଯେଉଁ ରାସ୍ତା ଖଣ୍ଡେ ଅଛି ସେ ପୁଣି ମାଟି ରାସ୍ତା, ଶବ ଦାହ କରିବାକୁ ହେଲେ ବର୍ଷା ଦିନେ ଯମ ଯନ୍ତ୍ରଣା ଭୋଗୀ ଶବ ଦାହ କରିବାକୁ ପଡ଼େ । କାରଣ ଅଣ୍ଟାଏ ପାଣି କାଦୁଅରେ ଶବକୁ ନେଇ ଦାହ କରିବାକୁ ପଡିଥାଏ । ଯଦି ଏଠାରେ ବର୍ଷା ଦିନେ କେହି ମରିଯାଏ ଶବକୁ ନେବା ପାଇଁ ଅଣ୍ଟାଏ ପାଣି କାଦୁଅରେ ନେବା ବେଳେ ଶବ ବାଟରେ ଗଳି ମଧ୍ୟ ପଡୁଥିବା ଗ୍ରାମବାସୀଙ୍କ ଠାରୁ ପ୍ରକାଶ । ଗାଁ ଲୋକଙ୍କ କଥା ଶୁଣି ଆମେ ସ୍ଥାନୀୟ ସରପଞ୍ଚଙ୍କ ସହ ସାକ୍ଷାତ କରିବା ପାଇଁ ତିନି ତିନି ଥର ଯୋଗାଯୋଗ କରିବାକୁ ଚେଷ୍ଟା କରି ନିରାଶ ହେବାକୁ ପଡିଥିଲା । ଯଦି ଗଣମାଧ୍ୟମ ପ୍ରତିନିଧି ପଞ୍ଚାୟତ ସହ ଯୋଗାଯୋଗ କରିବାରେ ବିଫଳ ହେଉଛନ୍ତି ତେବେ ସାଧାରଣ ଜନତାଙ୍କ ଅବସ୍ଥା ନ କହିବା ଭଲ । ଯାହା ଆମେ ଦେଖିଲୁ ଓ ଯାହା ସତ୍ୟ ତାହା ଆପଣଙ୍କୁ ଦେଖାଇଲୁ ତେବେ ଦେଖିବାକୁ ବାକି ରହିଲା ପ୍ରଶାସନର ନିଦ କେବେ ଭାଙ୍ଗୁଛି କେବେ ଓ କି କାର୍ଯ୍ୟାନୁଷ୍ଠାନ ହଉଛି ।
