ମାଲକାନଗିରି : ମାଲକାନଗିରି-ଛତିଶଗଡ଼ ସୀମାନ୍ତରେ ପୁଣି ମାଓ ହିଂସା ଦେଖିବାକୁ ମିଳିଛି । ନକ୍ସଲ ମାନେ ୩ଟି ଟ୍ରକ୍କୁ ସମ୍ପୂର୍ଣ୍ଣ ରୂପେ ଜାଳି ଦେଇଥିବା ସୂଚନା ମିଳିଛି । ସୂଚନା ଅନୁସାରେ ନାରାୟଣପୁର ଜିଲ୍ଲା ଧନରା ଥାନା ଅନ୍ତର୍ଗତ ରାଜପୁର ଗ୍ରାମ ନିକଟରେ ପ୍ରାୟ ୪୦ରୁ ୫୦ ଜଣ ମାଓବାଦୀ ମିଶି ଏହି ହିଂସାକାଣ୍ଡ ଘଟାଇଥିବା ସୂଚନା ମିଳିଛି । ମିଳିଥିବା ସୂଚନା ଅନୁସାରେ ଜଗଦଲପୁରରୁ ୩ଟି ଟ୍ରକ୍ ରାୟପୁର ଯାଉଥିବା ସମୟରେ ହିରଙ୍ଗିଝାଡ଼ ଜଙ୍ଗଲ ରାସ୍ତାରେ ୪୦ରୁ ୫୦ଜଣ ମାଓବାଦୀ ମିଶି ରାସ୍ତା ମଝିରେ ଟ୍ରକ୍ ଗୁଡ଼ିକୁ ଅଟକାଇଥିଲେ ଓ ସେଥିରେ ନିଆଁ ଲଗାଇ ଦେଇଥିଲେ । ଟ୍ରକ୍ ଗୁଡ଼ିକ ଜଳି ପାଉଁଶ ହୋଇଯାଇଥିବା ବେଳେ ସୌଭାଗ୍ୟବଶତଃ ଡ୍ରାଇଭର ଓ ହେଲ୍ପର ସୁରକ୍ଷିତ ଥିବା ଜଣାପଡ଼ିଛି । ଘଟଣାସ୍ଥଳରେ ସିଆର୍ପିଏଫ୍ ଓ ଡିଆର୍ଜି ବାହିନୀ ପହଞ୍ଚି କୁମ୍ବିଂ ଅପରେସନ୍ ଆରମ୍ଭ କରିଥିବା ସୂଚନା ମିଳିଛି ।