ବାରିପଦା, (ଦେବସ୍ମିତ ଚୌଧୁରୀ) : ପ୍ରଦେଶ କଂଗ୍ରେସର ଆହ୍ଵାନ କ୍ରମେ ଆଜି ମୟୁରଭଞ୍ଜ ଜିଲ୍ଲା ସଦର ମହକୁମା ବାରିପଦା ଠାରେ ମୟୁରଭଞ୍ଜ ଜିଲ୍ଲା କଂଗ୍ରେସ ତରଫରୁ “ଉତ୍କଳ ଦିବସ” ମହାସମାରୋହରେ ପାଳନ କରାଯାଇଛି । ସକାଳ ୯ଟା ସମୟରେ ଉତ୍କଳ ନିର୍ମାତା ଉତ୍କଳ ଗୌରବ ମଧୁସୂଦନ ଦାସ ଓ ଉତ୍କଳମଣି ଗୋପବନ୍ଧୁ ଦାସଙ୍କୁ ମାଲ୍ୟାର୍ପଣ କରି ତାଙ୍କର ସ୍ମୃତିଚାରଣ କରାଯାଇଥିଲା । ତାପରେ ସହରର ବିଭିନ୍ନ ସ୍ଥାନରେ ଥିବା ମୟୁରଭଞ୍ଜ ମହାରାଜା ଶ୍ରୀରାମଚନ୍ଦ୍ର ଭଞ୍ଜଦେଓ, ସ୍ଵାଧୀନତା ସଂଗ୍ରାମୀ ଓ ମହାପୁରୁଷ ଯଥା ସୁନାରାମ ସୋରେନ, ବିର୍ସା ମୁଣ୍ଡା, ମୟୁରଭଞ୍ଜର ପ୍ରଥମ ପ୍ରଧାନମନ୍ତ୍ରୀ ଶରତ ଚନ୍ଦ୍ର ଦାସ, ଗଡ଼ଜାତ ଆନ୍ଦୋଳନର ନେତା ପ୍ରଶନ୍ନ ଦାଶ ପ୍ରମୁଖଙ୍କୁ ମାଲ୍ୟାର୍ପଣ କରାଯାଇ ସାରିବା ପରେ ଗାନ୍ଧୀପାର୍କ ସ୍ଥିତ ଜାତିର ଜନକ ମହାତ୍ମାଗାନ୍ଧୀ, ପୂର୍ବତନ ପ୍ରଧାନମନ୍ତ୍ରୀ ଲାଲ ବାହାଦୁର ଶାସ୍ତ୍ରୀ ଓ କସ୍ତୁରବା ଗାନ୍ଧୀଙ୍କୁ ମାଲ୍ୟାର୍ପଣ କରି ତାଙ୍କ ଶ୍ରୁତିଗାନ କରାଯାଇଥିଲା । ସନ୍ଧ୍ୟା ୬ଟା ୩୦ ମିନିଟ ସମୟରେ ବାରିପଦା ରେଲୱେ ଷ୍ଟେସନରେ ରାଜ୍ୟରେ ବଢୁଥିବା ଦୁଷ୍କର୍ମ, ଅପହରଣ, ହତ୍ୟା ଓ ନିଖୋଜ ହୋଇଥିବା ମହିଳା ଓ ନାବାଳିକାଙ୍କ ଉଦ୍ଦେଶ୍ୟରେ ଓ ଆଇନ ଶୃଙ୍ଖଳା ବିପର୍ଯ୍ୟସ୍ତ ପରିସ୍ଥିତିର ସୁଧାର ନିମନ୍ତେ ଏକ କ୍ୟାଣ୍ଡେଲ ଶୋଭାଯାତ୍ରା କରାଯାଇଥିଲା । ଏହି କାର୍ଯ୍ୟକ୍ରମ ପୂର୍ବତନ ମନ୍ତ୍ରୀ ସରସ୍ୱତୀ ହେମ୍ବ୍ରମଙ୍କ ଆବାହକତ୍ୱରେ ହୋଇଥିଲା । ଏଥିରେ ପୂର୍ବତନ ସାଂସଦ ସୁଶ୍ରୀ ସୁଶିଳା ତିରିଆ, ପୂର୍ବତନ ଜିଲ୍ଲା ସଭାପତି ହେମନ୍ତ ଦାସ, ଅଶୋକ ଅଧିକାରୀ, ଜ୍ୟୋତିପ୍ରକାଶ ରଥ, ଅରବିନ୍ଦ ଦାସ, ଶାନ୍ତନୁ ପାଲ, ସୁସ୍ମିତା ଘୋଷାଲ, ଦୀପକ ଦାଶ, ପ୍ରମୋଦ ହେମ୍ବ୍ରମ, ଶ୍ରୀମତୀ ମାଧବୀ ସେନାପତି, ଶିବାନନ୍ଦ ଦାସ, ଚୈତନ୍ୟ ହାଁସଦା, ଅଜିତ ଜେନା, ୱାହିଦା ଅହମ୍ମଦ, ସ୍ଵାଗନ ଦାସ, ନାରାୟଣ ପଟ୍ଟନାୟକ, ପୂର୍ଣ୍ଣ ବିଶ୍ୱାଳ, ସ୍ୱରୁପ ମିଶ୍ର, ନିରୋଜ ଦାଶ, ମୋତିପ୍ରକାଶ ଦାସ, ତାରାକାନ୍ତ ବେହେରା, ନାରାୟଣ ସୋରେନ, ସିଦ୍ଧେଶ୍ଵର ସୋରେନ, ପ୍ରଦୀପ ମିଶ୍ର, ଏମ୍ଡି ନାଜିରୁଲ ହକ, ମନୋଜ ଦାସ, ହରିହର ସାହୁ, ଅବିନାଶ ଖିଲାର, ବିଶ୍ୱଜିତ ବାରିକ ପ୍ରମୁଖ ଉପସ୍ଥିତ ଥିଲେ ।