ଟିଟିଲାଗଡ଼, (ସଞ୍ଜୟ କୁମାର ନାୟକ) : ମୁରିବାହାଲ ବ୍ଲକ ବାଙ୍କେଲ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟକୁ ପ୍ରତିଦିନ ଭଳି ଶନିବାର ଦିନ ଛାତ୍ରଛାତ୍ରୀମାନେ ସ୍କୁଲକୁ ପାଠ ପଢିବା ପାଇଁ ଯାଇଥିଲେ । ସେହି ଗ୍ରାମର ସୁରେନ କୁମ୍ଭାର ମଦ୍ୟପାନ କରିଥିବା ଅବସ୍ଥାରେ ବାଡ଼ିରେ ସ୍କୁଲ ଛାତ୍ରଛାତ୍ରୀମାନଙ୍କୁ ପିଟିବା ଆରମ୍ଭ କରିଥିଲା । କେଉଁ କାରଣରୁ ଛାତ୍ରଛାତ୍ରୀମାନଙ୍କୁ ପିଟିଲା ଜଣାପଡି ନଥିବା ବେଳେ ଗୁରୁତର ୬ଜଣ ଛାତ୍ରଙ୍କୁ ଟିଟିଲାଗଡ଼ ସରକାରୀ ଡାକ୍ତରଖାନାକୁ ଆଣି ଚିକିତ୍ସା କରିବା ସହ ଥାନାରେ ଲିଖିତ ଅଭିଯୋଗ କରିଥିବା ଜଣାପଡ଼ିଛି । ତେବେ ଏହି ଘଟଣା ଭିଆଇବା ପରେ ମଦ୍ୟପ ସୁରେନ୍ କୁମ୍ଭାର ଫେରାର ମାରିଥିବା ସୂଚନା ମିଳିଛି ।